Dziejnaść kaapieratyva budavałasia pa pryncypie «finansavaj piramidy». Pieršapačatkova z hramadzianami zaklučałasia damova pazyki, jakoju jany pavinny byli vypłačvać pracenty ŭ zaležnaści ad uniesienaj sumy. Paśla, dla taho kab nie viartać hrošy, ludziam prapanoŭvali padpisać novuju damovu na bolš vyhadnych umovach albo ŭziać udzieł u finansavańni roznych prajektaŭ, u tym liku pa stvareńni šmatfunkcyjanalnaha administracyjna-haściničnaha kompleksu.
U vyniku supraćpraŭnych dziejańniaŭ słužbovych asob paciarpieli 220 čałaviek. Suma naniesienaj škody skłała bolš za 2 miljony denaminavanych biełaruskich rubloŭ.
Dziejańni ŭdzielnikaŭ arhanizavanaj hrupy kvalifikavanyja śledstvam pa č.4 art.209 (machlarstva, ździejśnienaje ŭ asabliva bujnym pamiery), č.4 art.210 (kradziež šlacham złoŭžyvańnia słužbovymi paŭnamoctvami), č.2 st.235 (lehalizacyja materyjalnych kaštoŭnaściaŭ, nabytych złačynnym šlacham), č.1 art.427 (słužbovy padłoh) Kryminalnaha kodeksa Respubliki Biełaruś.
Adzin z abvinavačanych znachodzicca ŭ vyšuku. Kryminalnaja sprava ŭ dačynieńni da jašče traich asob, buchhałtaraŭ kaapieratyva, prakuraturaj horada Mienska nakiravanaja dla razhladu ŭ sud.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary