Uładzimira Japryncava vyzvalili ŭ zale suda, jaho sustreli apładysmientami, a žonka biła paciarpiełaha sumkaj
Siońnia ŭ sudzie Centralnaha rajona Minska abviaścili prysud Uładzimiru i Kaźbieku Japryncavym, a taksama Alaksandru Arabianu. Japryncaŭ-starejšy vyzvaleny ŭ zale suda, jaho sustreli apładysmientami. Kaźbiek Japryncaŭ i Alaksandr Arabian asudžanyja na vosiem hadoŭ źniavoleńnia.
U sudzie Centralnaha rajona Minska abviaścili prysud biznesmenam baćku i synu Uładzimiru i Kaźbieku Japryncavym.
Paciarpiełyja pa spravie nastajali, kab prysud byŭ začytany całkam, i jaho abviaščeńnie zaciahnułasia amal na try hadziny.
Takim čynam, Uładzimiru Japryncavu dali štraf u 500 bazavych vieličyniaŭ (art. 405 č.1 KK «Ukryvalnictva złačynstva»), što raŭniajecca 10,5 tys. rubloŭ (abo kala 5,2 tys. dalaraŭ). Uładzimiru viartajecca jaho kanfiskavanaja padčas śledstva majomaść.
Kaźbiek Japryncaŭ i Alaksandr Arabian asudžanyja na 8 hadoŭ źniavoleńnia (art. 209, č. 4 «Machlarstva»). U Japryncava-małodšaha i Arabiana pavinna być kanfiskavanaja majomaść.
«Zabojcam dajuć tolki 7 hadoŭ, a tut 8», — sustrakaje prysud žonka Kaźbieka.
Uładzimir Japryncaŭ vyzvaleny ŭ zale suda, jaho sustreli apładysmientami paru socien čałaviek. Sapraŭdy, achvotnych padtrymać źniavolenaha biznesoŭca było vielmi šmat.
Tym časam jaho žonka Śviatłana ŭdaryła sumkaj pradstaŭnika paciarpiełaha boku. «Vam lahčej stała, što majho syna pasadzili na 8 hadoŭ?» — pytałasia jana.
Emocyi zaškvalvali. Dužy mužčyna ź imieniem Mahamied ledźvie nie pabiŭsia z pradstaŭnikami ŚMI.
Z presaj Uładzimir Japryncaŭ razmaŭlać admoviŭsia. Paabiacaŭ zrabić heta paźniej. Skazaŭ tolki, što biez padtrymki siabroŭ jamu było b ciažka.
Japryncaŭ źjechaŭ na čornym džypie dadomu, a voś mnohija svajaki jašče zastalisia ŭ dvoryka suda čakać etapavańnia Kaźbieka i Arabiana ŭ SIZA.
***
11 žniŭnia dziaržabvinavaŭca Juryj Šarśnioŭ paprasiŭ sud pierakvalifikavać abvinavačańnie Uładzimiru Japryncavu na č. 1 art. 405 KK — ukryvalnictva złačynstva (karajecca štrafam, abo papraŭčymi rabotami na termin da dvuch hadoŭ, abo aryštam na termin da troch miesiacaŭ). Na dumku dziaržabvinavaŭcy, Japryncaŭ-starejšy viedaŭ pra złačynnyja dziejańni syna i jaho partnioraŭ, abiacaŭ im ukryvalnictva i nie paviedamiŭ pra hetyja fakty ŭ pravaachoŭnyja orhany.
Na padstavie hetaha prakuror paprasiŭ sud pryznačyć Uładzimiru Japryncavu štraf u tysiaču bazavych vieličyń (21 tysiača rubloŭ, abo pryblizna 10,5 tysiačy dołaraŭ).
-
Žychara Kalinkavičaŭ u Rasii nie puścili na samalot u Jehipiet. Akazałasia, jon chavaŭsia ad biełaruskaha doŭhu
-
Pad Minskam kamunalniki zabili sabaku i źjechali. U ŽKH va ŭsim abvinavacili «kanapnych krytykaŭ»
-
75-hadovaha dziadulu, jaki ŭ Miadzielskim rajonie pajechaŭ z domu na rovary i prapaŭ, znajšli miortvym
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva13
Kamientary