Staršynia Sojma Litvy Łareta Hraŭžynienie na sustrečy z kalehami z bałtyjskich i paŭnočnych krain zrabiła papiaredžańnie adnosna Biełaruskaj AES, što budujecca niepadalok ad Vilni.
Pavodle słoŭ śpikiera, pry budaŭnictvie BiełAES u Astraŭcy (Hrodzienskaja vobłaść) demanstrujecca hreblivaje staŭleńnie da biaśpieki ludziej i navakolnaha asiarodździa, ale jaho možna źmianić mižnarodnymi namahańniami. «Litva aktyŭna dziejničaje ŭ nadziei na toje, što mižnarodnymi namahańniami možna źmianić hreblivaje staŭleńnie da dabrabytu ludziej i navakolnaha asiarodździa pry raźvićci prajekta ŭ halinie atamnaj enierhietyki», — pryvodziacca słovy Hraŭžynienie ŭ pres-relizie.
Jana adznačaje, što važna sumiesna z adkaznymi za jadziernuju biaśpieku mižnarodnymi strukturami, partniorami pa Jeŭrasajuzie i Jeŭrakamisii patrabavać, kab Biełaruś, jakaja imkniecca stać členam kłuba jadziernych dziaržaŭ, pavodziła siabie adkazna i zhodna ź dziejnymi ŭ hetym kłubie strohimi praviłami i patrabavańniami, pryncypami adkrytaści i dobrasusiedstva.
Staršynia siejma vyłučyła patrabavańni Litvy: arhanizavać śpiecyjalizavanuju poŭnamaštabnuju misiju MAHATE pa acency budaŭničaj placoŭki, pravieści na BiełAES stres-testy, padtrymać prapanovu Kamiteta pa pytańniach vykanańnia Kanviencyi AAN ab acency ŭździejańnia na navakolnaje asiarodździe ŭ transhraničnym kantekście (Kanviencyja Espaa) pa stvareńni śpiecyjalnaj mižnarodnaj ekśpiertnaj kamisii z tym, kab była dadzienaja dbajnaja adznaka realizacyi prajekta BiełAES, havorycca ŭ pres-relizie.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary