Čatyry kłuby z Łatvii pryniaty ŭ biełaruski chakiejny čempijanat.
Takoje rašeńnie pryniaŭ 5 červienia vykankam Fiederacyi chakieja Biełarusi.
Pa vynikach čatyrochkruhavoha turniru z udziełam dziesiaci biełaruskich i čatyroch łatvijskich kłubaŭ buduć vyznačany ŭładalniki załatych, siarebranych i bronzavych uznaharod. Potym adbudziecca raździelny płej‑of: u Biełarusi za zvańnie pieramožcy buduć zmahacca vosiem lepšych ajčynnych kamand, u Łatvii — čatyry ŭdzielniki biełaruskaha čempijanatu i čatyry lepšyja kłuby nacyjanalnaha čempijanatu, u jakim buduć hulać taksama kamandy z Estonii i Litvy.
«U nas roznyja škoły, rozny ŭzrovień padrychtoŭki. Sapiernictva budzie dobrym. Heta budzie cikava i chakieistam, i hledačam», — zajaviŭ prezident fiederacyi chakieja Łatvii Kiraŭ Lipman. Pavodle jaho słoŭ, nieabchodna zachavać pryvabnaść čempijanataŭ dźviuch krain, uličvajučy, što dynamaŭskija kamandy z Ryhi i Minska buduć hulać u Kantynientalnaj chakiejnaj lizie.
Baki damovilisia padpisać kantrakt, u jakim buduć urehulavany ŭsie arhanizacyjnyja pytańni, uklučajučy vydaču viz i pražyvańnie ŭ haścinicach.
Łatyšy płanavali, što supracoŭnictva budzie doŭhaterminovym, adnak biełarusy zhadzilisia pryniać kamandy susiedniaj dziaržavy pakul tolki na adzin siezon. Jak patłumačyŭ staršynia FCHRB Uładzimir Navumaŭ, u 2009 hodzie ŭ Biełarusi z\javiacca dźvie novyja chakiejnyja kamandy, u 2010 hodzie — jašče try. Heta niepaźbiežna pryviadzie da źmianieńnia farmatu čempijanatu (pačniecca abmien horšymi i lepšymi pamiž ekstralihaj i vyšejšaj lihaj), i pytańnie dalejšaha ŭdziełu łatvijskich kłubaŭ budzie patrabavać detalovaj prapracoŭki.
Kłuby z Łatvii ŭdzielničali ŭ biełaruskim čempijanacie da 2006 hoda, ale potym ź finansavych pryčyn zasiarodzilisia na ŭnutranym pieršynstvie.
Jak zajaviŭ žurnalistam K.Lipman, raschody kłubaŭ na pajezdki ŭ Biełaruś składuć 100—120 tys. dołaraŭ ZŠA, i dadaŭ: «My pavinny dumać ab prestyžy našaha čempijanatu».
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary