Da parłamienckich vybaraŭ aktyvisty adrazu niekalkich kampanij nazirańnia vypuścili novuju viersiju mabilnaj prahramy «Vočy». Prahrama dazvolić vybarščykam apieratyŭna paviedamić pra parušeńni na vybarach niezaležnym naziralnikam.
Prahrama naradziłasia jak pradukt supracoŭnictva kampanij ElectBy, «Nazirańnie za vybarami: teoryja i praktyka», «Prava vybaru» i «Pravaabaroncy za svabodnyja vybary».
Mabilnaja prahrama «Vočy» pracuje na apieracyjnaj sistemie Android. Paśla ŭstanoŭki prahramy na smartfon karystalnik moža paviedamić naziralnikam infarmacyju ab parušeńniach, jakija jon abo jana zaŭvažyć na vybarčym učastku. Prahrama moža pieradać nie tolki tekstavaje apisańnie, ale i fota/videa ci aŭdyjomateryjały, «što asabliva važna dla vieryfikacyi naziralnikami faktu parušeńnia», pišuć raspracoŭščyki prahramy.
Pa ich słovach, «Vočy» praktyčna nie źbirajuć infarmacyju pra karystalnikaŭ, akramia ich miescaznachodžańnia padčas infarmavańnia ab parušeńni i techničnych charaktarystyk ich telefona. Navat kali karystalnik dobraachvotna daje svaju kantaktnuju infarmacyju naziralnikam dla zvarotnaj suviazi, hetaja infarmacyja nie raskryvajecca i nie pieradajecca trecim asobam.
Pavodle dadzienych raspracoŭščykaŭ, na prezidenckich vybarach 2015 hoda karystalniki «Vačej» «vyjavili ŭ minskim CUMie futbołki z łozunham za adnaho z kandydataŭ, jakija pradavalisia ŭ adździele adzieńnia z nacyjanalnaj simvolikaj, dapamahli raskryć manipulacyju ź jaŭkaj vybarščykaŭ, sfatahrafavaŭšy pusty pratakoł z podpisami členaŭ učastkovaj vybarčaj kamisii, i paviedamlali pra mnostva vypadkaŭ prymusu da daterminovaha hałasavańnia studentaŭ VNU».
Infarmacyja ab parušeńniach, dasłanaja karystalnikami prykładańnia, paśla maderacyi adlustroŭvajecca na anłajn-karcie na sajcie ElectBy.org. Jana moža być vykarystanaja misijami pa nazirańni dla acenki taho, nakolki sumlennymi, svabodnymi i spraviadlivymi byli vybary, adznačajuć aŭtary prahramy.
Parłamienckija vybary ŭ Biełarusi projduć 11 vieraśnia. Daterminovaje hałasavańnie pačniecca 6 vieraśnia.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary