Prezident Uźbiekistana Isłam Karymaŭ pamior, havorycca ŭ zajavie ŭrada i parłamienta krainy. Jaho pachavajuć u Samarkandzie 3 vieraśnia.
Karymaŭ znachodziŭsia ŭ špitali ź minułaha tydnia, ale aficyjnaja infarmacyja pra jaho stan pastupała skupa i ź vialikaj zatrymkaj.
Tolki ranicaj u piatnicu kabiniet ministraŭ krainy zajaviŭ, što kiraŭnik dziaržavy znachodzicca ŭ krytyčnym stanie.
Nieŭzabavie ź nieaficyjnych krynic pačali pastupać paviedamleńni pra śmierć 78-hadovaha prezidenta. Ahienctvu Rejter pra heta paviedamili try nienazvanyja dypłamatyčnyja krynicy.
Paźniej, i jašče da aficyjnaha abviaščeńnia ab śmierci uźbiekskaha lidara, premjer-ministr Turcyi Binali Jyłdyrym publična vystupiŭ sa spačuvańniami.
Taksama ŭ piatnicu stała viadoma pra zakryćcio aeraporta rodnaha horada prezidenta — Samarkanda, što było ŭspryniata jak častka padrychtovak da cyrymonii pachavańnia.
Isłam Karymaŭ uznačaliŭ Uźbiekistan ŭ 1989 hodzie, zaniaŭšy pasadu pieršaha sakratara CK kampartyi tady savieckaj respubliki. Prezidentam jon byŭ abrany 24 sakavika 1990 hoda na siesii Viarchoŭnaha Savieta Uźbiekskaj SSR.
U kancy 1991 hoda, nieŭzabavie paśla abviaščeńnia niezaležnaści Uźbiekistana, Karymaŭ atrymaŭ pieramohu na ŭsienarodnych vybarach i z tych časoŭ niaźmienna znachodziŭsia na pasadzie prezidenta, padaŭžajučy svaje paŭnamoctvy šlacham refierendumaŭ ab źmianieńni kanstytucyi i vybaraŭ, jakija bolšaść naziralnikaŭ razhladali jak niedemakratyčnyja.
Karymaŭ abviarhaŭ abvinavačvańni ŭ aŭtarytaryźmie, śćviardžajučy, što demakratyja ŭ roznych krainach śvietu prymaje roznyja formy i ŭźbiekskaja demakratyja nie abaviazanaja adpaviadać zachodnim standartam.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA100
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary