U SVK Astravieckaha rajona zajmalisia prypiskami dla pavyšanych zarobkaŭ, paviedamili va ŭpraŭleńni Departamienta finansavych rasśledavańniaŭ Kamiteta dziaržkantrolu Hrodzienskaj vobłaści.
«Pieršy namieśnik staršyni sielhaskaapieratyva — kiraŭnik śvinahadoŭčaha kompleksu, jaki adnačasova źjaŭlaŭsia deputatam sielskaha savieta ź vieraśnia 2014 hoda pa krasavik 2016 hoda nieadnarazova davaŭ niezakonnyja ŭkazańni padnačalenym rabotnikam ab uniasieńni imi zavyšanych źviestak u spravazdačy nakont ruchu žyvioły i viedamaści vyznačeńnia žyvoj masy.
U vyniku ŭsiaho było zavyšana prybaŭleńnie śviniej bolš čym na 300 t, a prypłod — na 970 hałoŭ», - infarmuje ŭpraŭleńnie Departamienta finansavych rasśledavańniaŭ.
Hetyja prypiski dazvalali ŭpraŭlajučamu śvinahadoŭčaha kompleksu i jaho padnačalenym atrymlivać pavyšany zarobak i premii za vykanańnie daviedzienych pakazčykaŭ nakont pryrostu śviniej.
Svaimi dziejańniami mužčyna i jaho pamočniki nanieśli ŭron haspadarcy ŭ vyhladzie nieabhruntavana vypłačanaj zarabotnaj płaty ŭ 12,6 tys. rubloŭ.
Pavodle sabranych materyjałaŭ prakuroram Astravieckaha rajona ŭ dačynieńni da kiraŭnika zaviedziena kryminalnaja sprava pa č.2 art.424 KK RB (złoŭžyvańnie ŭładaj abo słužbovymi paŭnamoctvami), a ŭ dačynieńni da rabotnikaŭ SVK, jakija vykanali za materyjalnaje ŭznaharodžańnie niezakonnyja ŭkazańni, raspačatyja kryminalnyja spravy pa č.1 art. 4.
Ciapier čytajuć
Zahinuŭ biełaruski dobraachvotnik Alaksiej Łazaraŭ7
Kamientary