Ahladalnik «Sovietskoj Biełoruśsii»: Na Alimpijadzie rasijskich spartsmienaŭ abśvistvali
Tok-šou «Sprava pryncypu» na telekanale ANT 5 vieraśnia było pryśviečanaje vynikam Alimpijady ŭ Rya-de-Žaniejra. Hości pieradačy paličyli, što Biełaruś dastojna vystupiła na Hulniach.
Była zakranutaja tema dopinhu, a taksama taho, što niekatoryja rasijskija i biełaruskija spartsmieny nie byli dapuščanyja na Alimpijadu.
«Kažuć, što dobrymi namierami vybrukavanaja daroha ŭ piekła. Jany kažuć, što zmahajucca z dopinham, a na spravie zmahajucca suprać asobnych, kropkavych supiernikaŭ, jakija im u niečym pieraškadžajuć. Voś i ŭsio», — skazaŭ spartyŭny ahladalnik «Sovietskoj Biełoruśsii» Siarhiej Kanašyc.
«U dadzienym vypadku imi akazalisia chto? Rasija, Biełaruś, — zapiarečyŭ viadučy Vadzim Hihin. — Ale na što heta paŭpłyvała? Rasija jak była čaćviortaj u Łondanie, hetak čaćviortaj i zastałasia. Niedabrała niejkuju kolkaść miedaloŭ».
«A jość jašče taki paniatak jak reputacyjnyja straty. Jany ŭ spartyŭnaj Rasii ciapier kałasalnyja. U Rya-de-Žaniejra ž navat aśvistvali rasijskich spartsmienaŭ. U alimpijskaj vioscy ja razmaŭlaŭ z rasijskimi valejbalistkami, jany kazali, što na ich hladziać kosa. Na ich usich hladziać jak na złačyncaŭ. U hetym taksama byŭ ich niemały zamysieł», — padsumavaŭ Kanašyc.
«Ciapier jany zrabili takuju pravakacyju, praz 4 hady jany mohuć pastupić dakładna hetak sama tolki ź niejkim inšym preparatam, a paŭtornaja dyskvalifikacyja ŭ sporcie pažyćciovaja. Heta brudnyja palityčnyja hulni», — heta ŭžo słovy čempijonki śvietu pa viełatreku Natalli Cylinskaj.
«Ja razmaŭlaŭ z žurnalistami Russia Today, dyk navat na rasijskich žurnalistaŭ hladziać kosa. I hladziać, jak ni dziŭna, nie ŭkraincy, nie amierykancy, a hladziać pradstaŭniki niejkich nievialikich krain — Makiedonii, Čarnahoryi», — pryznaŭsia viadučy ANT Andrej Bandarenka.
Praŭda, tak nichto ni razu i nie skazaŭ, chto ž rychtuje takija padkopy suprać našych spartsmienaŭ. Tolki dziudaist Nacik Bahiraŭ žartam adznačyŭ: «Jak zmahacca ź niespraviadlivaściu ŭ sporcie? Pavialičyć terytoryju Biełarusi da pamieru ZŠA».
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary