Premjer-ministr Bavaryi i lidar Chryścijanska-sacyjalnaha sajuza (CHSS) Chorst Ziejechofier zapatrabavaŭ ad kanclera FRH Anhieły Mierkiel źmianić palityčny kurs paśla parazy partniora CHSS — Chryścijanska-demakratyčnaha sajuza (CHDS) na vybarach u łandtah fiederalnaj ziamli Mieklenburh — Piaredniaja Pamieranija.
Siarod najvažniejšych pytańniaŭ, jakija patrabujuć karekciroŭki, jon nazvaŭ padatki, unutranuju biaśpieku, piensii i mihracyju. Pa najbolš vostrych temach jon zapatrabavaŭ unieści jasnaść nia paźniej za kastryčnik 2016 hoda.
Jak sajuźnik Mierkiel pa partyjnym błoku ŭ bundestahu, Ziejechofier zajaviŭ u apublikavanym u aŭtorak, 6 vieraśnia, intervju haziecie Süddeutsche Zeitung, što budučynia CHDS/CHSS znachodzicca pad pahrozaj. Na dumku bavarskaha premjera, ludzi «nie žadajuć hetaj bierlinskaj palityki» i chočuć, kab ułady ŭsprymali ich surjozna. Na jaho pohlad, u krainie adbyŭsia raskoł, a davier da ŭłady «imkliva źnikaje».
Razam z tym Ziejechofier nastojvaje na tym, kab Mierkiel skancentravałasia na ŭnutranaj palitycy. Pavodle jaho słoŭ, havorka idzie pra toje, kab dać ludziam jasnuju karcinu ŭradavaha kursu. «Unutrypalityčnaje tłumačeńnie rečaŭ źjaŭlajecca patrabavańniem biahučaha momantu», — adznačyŭ palityk. Dziela hetaha Ziejechofier maje namier pieranieści na niekalki miesiacaŭ namiečany na kastryčnik vizit u Rasiju i sustreču z rasijskim prezidentam Uładzimiram Pucinym.
Na vybarach u Mieklenburhu — Piaredniaj Pamieranii Chryścijanska-demakratyčny sajuz nabraŭ 19% hałasoŭ. Partyja prajhrała nie tolki Sacyjał-demakratyčnaj partyi Hiermanii (SDPH), jakaja nabrała 30,6% hałasoŭ, ale i «Alternatyvie dla Hiermanii» (ADH) z 20,8%.
Publikujecca ŭ miežach śpiecyjalnaj rubryki «Naviny Hiermanii»
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary