Jak pieradaje BBC, bolš za 100 čałaviek dastaŭleny ŭ balnicy ŭ vyniku ataki z vykarystańniem atrutnaha hazu chłoru ŭ pryharadzie Alepa, paviedamlajuć daktary-vałanciory i ratavalniki, jakija pracujuć u Siryi.
Pa dadzienych miedycynskich rabotnikaŭ, uradavyja siły znoŭ ŭžyli chłor, jany skinuli na pryharad Alepa — rajon Sukary — bomby z cylindrami z chłoram.
Siryjski ŭrad admaŭlaje vykarystańnie chimičnaj zbroi ŭ chodzie avijanalotaŭ.
U žniŭni rasśledavańnie, jakoje pravodziłasia pa rašeńni AAN, paćvierdziła, što siryjskaja armija jak minimum dvojčy vykarystoŭvała atrutny haz u chodzie napadaŭ ŭ 2014 i 2015 hadach.
Chłor šyroka ŭžyvajecca ŭ roznych chimičnych vytvorčaściach, ale vykarystańnie jaho ŭ jakaści zbroi zabaroniena mižnarodnymi damovami.
U novym dakładzie AAN, jaki byŭ apublikavany ŭ aŭtorak, havorycca, što karotki pieryjad zacišša ŭ pačatku hetaha hoda ŭ Siryi źmianiŭsia jašče bolš žorstkimi bajami.
Pa dadzienych arhanizacyi, na dadzieny momant va ŭmovach abłohi žyvuć kala 600 tysiač siryjcaŭ, jašče 300 tysiač čałaviek — u abłožanych rajonach Alepa.
Suśvietnaja supolnaść ličyć dakazanym prymianieńnie zarynu va Uschodniaj Hucie, u vyniku jakoha, pa dadzienych Dziarždepartamienta ZŠA, paciarpieli 1429 čałaviek. U 2015 hodzie Arhanizacyja pa zabaronie chimičnaj zbroi paviedamlała pra ŭžyvańnie ŭ siryjskim kanflikcie iprytu.
U 2013 hodzie zachodnija krainy abmiarkoŭvali płany vajennaj kampanii suprać režymu Asada z metaj pazbavić jaho mahčymaści ŭžyvać chimičnuju zbroju suprać svaich apanientaŭ. Kreml vystupiŭ ź inicyjatyvaj pa vyvazie chimičnaj zbroi ź Siryi ź jaje nastupnym źniščeńniem. Tady heta praduchiliła avijaŭdary pa armii Asada.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary