Pryblizna apoŭdni 6 vieraśnia, u pieršy dzień daterminovaha hałasavańnia na vybarach u parłamient, na vybarčym učastku № 23, raźmieščanym u vioscy Bušaŭka Buda-Kašaloŭskaha rajona, zdaryŭsia incydent. Na ŭčastku źjaviŭsia 64-hadovy viaskoviec ŭ stanie ałkaholnaha apjanieńnia i staŭ biespadstaŭna niecenzurna łajać prysutnych hramadzian, paviedamlaje UUS Homielskaha abłvykankama.
Supracoŭnik milicyi zrabiŭ jamu zaŭvahu, jakuju toj praihnaravaŭ i staŭ pavodzić siabie bolš ahresiŭna, kanstatujuć va UUS. U adkaz na patrabavańni milicyjaniera mužčyna staŭ chapać jaho za formiennaje abmundziravańnie i abražać.
Milicyjanier užyŭ u dačynieńni da parušalnika paradku fizičnuju siłu i śpiecsrodki. Dla razboru zatrymany byŭ dastaŭleny ŭ Buda-Kašaloŭski RAUS. Pavodle vynikaŭ pravierki ŭ dačynieńni da jaho składzienyja pratakoły na padstavie art. 17.1 (drobnaje chulihanstva), art. 17.3 (źjaŭleńnie ŭ hramadskim miescy ŭ stanie ałkaholnaha apjanieńnia) i art. 23.4 (niepadparadkavańnie zakonnamu patrabavańniu słužbovaj asoby pry vykanańni im słužbovych paŭnamoctvaŭ) Kodeksa ab administracyjnych pravaparušeńniach. Vyrašajecca pytańnie ab źmiaščeńni zatrymanaha ŭ izalatar časovaha ŭtrymańnia.
U milicyi dadali, što zatrymany ŭžo nie raz pryciahvaŭsia da administracyjnaj adkaznaści, u tym liku za drobnaje chulihanstva.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary