Ministr navuki i vyšejšaj adukacyi Polščy Jarasłaŭ Hovin zajaviŭ, što kansiervatyŭny ŭrad krainy nie budzie padtrymlivać raskrytykavanuju Jeŭrasajuzam poŭnuju zabaronu abortaŭ, suprać mahčymaha ŭviadzieńnia jakoj pratestavała častka hramadzian krainy.
Pa słovach Hovina, bolš za ŭsio na rašeńnie paŭpłyvali vystupy žančyn, jakija pravodzili rehularnyja akcyi pratestu na praciahu niekalkich miesiacaŭ. Pratesty «prymusili nas zadumacca i navučyli nas pakory», zajaviŭ ministr.
Urad Polščy pryznačany kirujučaj partyjaj «Prava i spraviadlivaść». Pieramiena jaho pazicyi moža aznačać, što i partyja pierastanie padtrymlivać zabaronu abortaŭ.
U minuły paniadziełak u centry Varšavy adbyłasia demanstracyja apranutych u čornaje žančyn, jakija praviali akcyju pratestu pad nazvaj «Čorny paniadziełak».
Žančyny, jakija vystupajuć suprać zabarony na aborty, u hety dzień admovilisia ad pracy i vučoby, a taksama ad vykanańnia chatnich abaviazkaŭ.
Zakonaprajekt ab poŭnaj zabaronie abortaŭ pa-raniejšamu znachodzicca na razhladzie ŭ adnym z kamitetaŭ parłamienta Polščy. Śpikier parłamienta niadaŭna zajaviŭ, što inicyjatyva, jakaja patrapiła ŭ parłamient paśla taho, jak hramadzianskija aktyvisty sabrali nieabchodnuju kolkaść podpisaŭ, naŭrad ci budzie padtrymanaja.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary