U 2016-m, na fonie «hazavych razborak», dosyć sucha i z nadziejaj na rašeńnie «aktualnych pytańniaŭ». A byli ž hady, kali my čuli słovy «ad usioj dušy».
7 kastryčnika Alaksandr Łukašenka zusim koratka pavinšavaŭ svajho rasijskaha kalehu Uładzimira Pucina z dniom naradžeńnia.
— Respublika Biełaruś zacikaŭlena ŭ plonnym uzajemadziejańni z Rasijskaj Fiederacyjaj va ŭsich śfierach, pahłybleńni raŭnapraŭnaha i efiektyŭnaha supracoŭnictva ŭ intehracyjnych farmatach, — havorycca ŭ tekście vinšavańnia, apublikavanym na aficyjnym sajcie kiraŭnika dziaržavy.
Łukašenka taksama vykazaŭ upeŭnienaść u mahčymaści vyrašeńnia ŭsich aktualnych pytańniaŭ dvuchbakovaha paradku ŭ ramkach sumlennaha i adkrytaha dyjałohu.
2015-y: Škvał kamplimientaŭ
Jašče ŭ minułym hodzie vinšavańnie biełaruskaha kiraŭnika było kudy bolš siabroŭskim. Alaksandr Łukašenka litaralna rassypaŭsia ŭ kamplimientach, zaŭvažajučy, što pad kiraŭnictvam Uładzimira Pucina Rasija damahłasia «značnych pośpiechaŭ u ekanamičnym raźvićci, umacavańni dziaržaŭnaści, pavyšeńni dabrabytu i ŭzroŭniu žyćcia hramadzian».
— Vy nadajacie vialikuju ŭvahu papularyzacyi intaresaŭ svajoj krainy na mižnarodnaj arenie, pašyreńniu ŭzajemavyhadnych intehracyjnych pracesaŭ, jakija źjaŭlajucca załoham stabilnaści i praćvitańnia dziaržaŭ, jakija ŭdzielničajuć u ich, — udakładniŭ jon.
Cikava, što heta adbyvałasia na fonie pieramovaŭ ab rasiejskaj avijabazie i napiaredadni prezidenckich vybaraŭ u Biełarusi.
2014-y: Paštoŭka ŭ niejtralnych tanach
Dva hady tamu vinšavańnie, chutčej, nahadvała čynoŭnickuju adpisku z mnostvam štampaŭ:
— Vy ŭnosicie važki ŭkład u raźvićcio biełaruska-rasijskich adnosin u duchu stratehičnaha partniorstva i pašyreńnie intehracyjnych pracesaŭ. Upeŭnieny, što i ŭ dalejšym vaša dziejnaść budzie ŭsialak sadziejničać umacavańniu družby pamiž narodami Biełarusi i Rasii.
2013-y: Adznačyŭ zasłuhi ŭ Mytnym sajuzie
Na hety raz Łukašenka znoŭ kazaŭ ab umacavańni siabroŭstva pamiž brackimi narodami, adznačyŭ pryncypovuju pazicyju Pucina, dziakujučy jakoj «praciahvaje paśpiachova realizoŭvacca patencyjał miždziaržaŭnaj intehracyi ŭ Mytnym sajuzie, a taksama pačaŭ farmavacca Jeŭrazijski ekanamičny sajuz».
2011-y: «Nie budź takim zababonnym!»
Łukašenka prajaviŭ aryhinalnaść i pavinšavaŭ Pucina z 59-hodździem zahadzia.
— My damovilisia źviazacca pa telefonie z Pucinym napiaredadni. Ja pierš za ŭsio pačaŭ ź vinšavańnia. Pažadaŭ ščaścia, zdaroŭja… — raspavioŭ Łukašenka na pres-kanfierencyi.
Pavodle jaho słoŭ, Pucin naściarožyŭsia: maŭlaŭ, u jaho ž zaŭtra dzień naradžeńnia.
— Nie budź takim zababonnym. Ja ad usioj dušy vinšuju, — skazaŭ Łukašenka Pucinu.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary