Hraficist, jaki padkarektavaŭ hrafici «Minsk-Maskva», nie budzie jaho vypraŭlać
Na skandalnym hrafici «Minsk-Maskva» pa-raniejšamu krasujecca kalučy drot, damalavany nieviadomym vuličnym mastakom 23 kastryčnika. «Ciapier malunak nabyŭ sens», — tak abhruntavaŭ «karekcyju» prapahandysckaha murała stryt-artar.
Pry hetym Minharvykankam, jaki asudziŭ dziejańni hraficista, prapanavaŭ jamu ciaham tydnia «vypravić malunak samastojna», u inšym vypadku pryhraziŭ tvorcu sudom. Adnak mastak zamaloŭvać svaju pracu nie źbirajecca:
«Nie źbirajusia i nie bajusia nijakaha sudu. Bo heta budzie cyrk. Sam malunak — heta vandalizm. Drot na im, jak ličać ułady, — taksama vandalizm. A karać za vandalizm vandalizmu śmiešna».
Pres-sakratar minskaj milicyi Alaksandr Łastoŭski kaža, što Minharvykankam nie źviartaŭsia da ich z prośbaj pravieści pravierku pa spravie «ŭmiašańnia va ŭžo stvoranuju pracu». U pres-słužbie Minharvykankama abiacajuć raspavieści pra dalejšyja dziejańni z hetaj nahody ŭ najbližejšy čas.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary