Pravaabaroncy prosiać prakuraturu pakarać adkaznych za prymusovyja raboty na Vilejščynie
Pravaabaroncy-viasnoŭcy vystupili z zajavaj z nahody publikacyi «Našaj Nivy» pra raznaradki na ŭborku kukuruzy na Vilejščynie.
U svaich zvarotach u prakuraturu Vilejskaha rajona i Minabłvykankam pravaabaronca Valancin Stefanovič stavić pad sumnieŭ, što hetaja praca była dobraachvotnaj i padkreślivaje, što supracoŭniki roznych pradpryjemstvaŭ byli arhanizavana pryviezienyja na ŭborku kukuruzy na palach.
«Varta adznačyć, što ŭsie hetyja pracy pa ŭborcy ŭradžaja kukuruzy adbyvajucca ŭ pracoŭny čas, kali supracoŭniki pradpryjemstvaŭ pavinny znachodzicca na svaich pracoŭnych miescach i vykonvać tyja pracoŭnyja abaviazki, jakija praduhledžanyja ŭ zaklučanych pamiž imi i pradpryjemstvami pracoŭnymi damovami. U suviazi z hetym vyklikaje pytańni pravavy bok takoj pracy i jaje pravavoha rehulavańnia, apłaty i inš», — piša pravaabaronca.
Valancin Stefanovič adznačaje, što pavodle art. 20 Pracoŭnaha kodeksa Respubliki Biełaruś najmalnik nie maje prava patrabavać ad pracaŭnika vykanańnia pracy, jakaja nie abumoŭlenaja pracoŭnaj damovaj, za vyklučeńniem vypadkaŭ, praduhledžanymi zakanadaŭčymi aktami.
Pryborka kukuruzy ŭ sielhaspradpryjemstvach nie źjaŭlajecca takim vypadkam.
«Pa maim mierkavańni, hetaja infarmacyja śviedčyć ab parušeńniach pracoŭnych pravoŭ hramadzian i prymianieńni prymusovaj pracy ŭ dačynieńni da ich z boku administracyi pradpryjemstvaŭ pa rasparadžeńni miascovych vykanaŭča-rasparadčych orhanaŭ ułady. Bo zhodna z art. 13 Pracoŭnaha kodeksa prymusovaja praca, u tym liku ŭ jakaści mietada mabilizacyi i vykarystańnia pracoŭnaj siły dla patrebaŭ ekanamičnaha raźvićcia, zabaraniajecca», — padkreślivaje Stefanovič.
Valancin Stefanovič prosić prakuraturu Vilejskaha rajona i Minabłvykankam pravieści pravierku pa ŭkazanych faktach, a pry ŭstanaŭleńni parušeńniaŭ pracoŭnaha zakanadaŭstva z boku słužbovych asobaŭ pradpryjemstvaŭ i miascovych vykanaŭčych orhanaŭ ułady — pryciahnuć vinavatych da adkaznaści.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary