Jašče hod tamu nichto b i nie padumaŭ, što Siarhiej Michałok zmoža vystupać u Biełarusi. Kancert u Homielskim ladovym pałacy hurtu BRUTTO prajšoŭ z anšłaham na 5000 čałaviek.
Prychilniki jechali na pieršy vystup BRUTTO i Siarhieja Michałka z usich kutkoŭ Biełarusi. I voś 30 śniežnia ŭ staličnym Prime Hall adbudziecca pieršy za doŭhi čas minski kancert Michałka: muzyka pradstavić novy prajekt — hurt «Lapis-98» i vystupić z załatymi chitami Lapisa Trubiackoha, piša TUT.BY.
— Mnie padabajecca, što my lehalizujem «Lapis-98». Ja dumaju, što hatovy viesieła i ad dušy śpiavać moj «kłoŭnski» repiertuar. U mianie jość tatu — Šapito i šary, jakija laciać u pavietra. Heta jak u pieśni «Kirmaša farby» — nastalhija nie adpuścić nikoli. Ja mahu być surjoznym, darosłym, razvažlivym, ale Cyrkač i Vuličny Hajer zaŭsiody žyvuć uva mnie, — raspavioŭ Siarhiej Michałok pra novy prajekt.
U 2014-m hałoŭnaja hrupa Biełarusi na čale ź Siarhiejem Michałkom abviaściła pra raspad. Ale Siarhiej Michałok nie hatovy tak prosta adpuścić toj nievierahodny stan i atmaśfieru, jakija byli na kancertach kalektyvu ŭ raniejšyja časy. «Lapis-98» — heta barabany Dzianisa Šurava, bas Dzianisa Sturčanki, trambon Ivana Hałuški, truba Uładzisłava Siankieviča i hitara Paŭła Traciaka.
30 śniežnia buduć hučać takija pieśni, jak «Au», «Ty kinuła», «U sukiency biełaj», «Jabłyni», «Ja vieru», «Katok», «Afryka», «Jeŭpatoryja», «Kapitał» i mnohija inšyja. Hałoŭnyja chity za ŭvieś čas isnavańniaje hurtu «Lapis Trubiacki». Heta budzie kancert u lepšych tradycyjach Lapisa — drajv, varjackaja enierhietyka, i, viadoma, jakasnaje śvietłavoje i videašou.
— Ja lublu radavać ludziej, lublu svaju prafiesiju. Ja lublu (i, spadziajusia, — umieju…) śpiavać svaje pieśni. I budu heta rabić va ŭsich svaich tvorčych prajektach ščyra i ad dušy, — pryznaŭsia Siarhiej Michałok.
Nahadajem, što ŭ pačatku krasavika 2016 hoda Michałok abviaściŭ ab stvareńni prajekta «Lapis-98» — hurtu, jaki budzie vykonvać chity «Lapisa Trubiackoha», stvoranyja za apošnija 25 hadoŭ. Pieršy kancert adbyŭsia 21 krasavika ŭ Charkavie, paśla čaho hurt vystupaŭ u Kijevie, Lvovie, Adesie, Prazie, Hamburhu i inšych haradach. U Minsku kancert projdzie ŭpieršyniu.
Kamientary