U Maskvie sud vyzvaliŭ ad kryminalnaj adkaznaści i adpraviŭ na prymusovaje lačeńnie ŭ psichijatryčnuju lakarniu Hiulčechru Babakułavu, jakaja zabiła čatyrochhadovuju dziaŭčynku, pieradaje Bi-bi-si.
Sud admoviŭsia nakłaści na uradženku Uźbiekistana kampiensacyju materyjalnaj škody na karyść paciarpiełych.
Babakułavu zatrymali 29 lutaha kala stancyi mietro «Akciabrskaje pole» u Maskvie. U momant zatrymańnia jana trymała ŭ rukach skryvaŭlenuju hałavu dziciaci.
Pa słovach vidavočcaŭ, žančyna nazyvała siabie terarystkaj, a taksama pahražała padarvać bombu. Jana była ŭ čornym chidžabie, kryčała «Ałach akbar!». Jak akazałasia, vybuchoŭki ŭ jaje nie było.
Najbujniejšyja fiederalnyja kanały — Pieršy, «Rasija-1», NTV i Ren-TV — zamaŭčali 29 lutaha ŭ efiry vypuskaŭ navin ab zabojstvie čatyrochhadovaj dziaŭčynki, jaki adbyŭsia 29 lutaha na paŭnočnym zachadzie Maskvy.
Jak vyznačyŭ sud, žančyna pracavała ŭ siamji nianiaj małodšaj dziaŭčynki, jana dačakałasia, pakul baćki sa starejšym dziciem syduć, zabiła i abiezhałoviła dziaŭčynku, padpaliła kvateru.
Babakułavaj była praviedziena kompleksnaja psichołaha-psichijatryčnaja ekśpiertyza, ź jakoj vynikaje, što ŭ žančyny psichičnaja chvaroba.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki12
Kamientary