Ministr unutranych spraŭ Ihar Šunievič zrabiŭ niekalki hučnych zajavaŭ u efiry prahramy «Bujnym płanam» na «Biełaruś-1».
Pra «infarmacyjnuju vajnu» suprać milicyi
Analizujučy dośvied «kalarovych revalucyj», možna zrabić prostuju vysnovu: usie jany pačynalisia z dyskredytacyi ŭłady i najbolš mocnych jaje halin, zaścierahaje Šunievič.
Ja liču, što ŭ Biełarusi orhany ŭnutranych spraŭ źjaŭlajucca adnymi z samych mocnych arhumientaŭ ułady pa padtrymańni pravaparadku i dziaržaŭnaści. Šunieviču padajecca, tut sprabujuć razyhrać toj ža scenar.
Pa kožnym vypadku źjaŭleńnia kampramietujučaj infarmacyi pravodzicca pravierka. Sioleta było zaviedziena 123 kryminalnyja spravy ŭ adnosinach da supracoŭnikaŭ.
Pra śmiarotnuju avaryju kiraŭnika baranavickaha DAI
Luby padobny vypadak — heta ŭdar pad dych usioj sistemie, heta hańba ŭsiamu aficerskamu korpusu i, u pryvatnaści, słužbie DAI.
Taki kankretny vypadak ŭ sto razoŭ nivieliruje ŭsio toje, što my robim dobraje.
Nivodzin supracoŭnik, jaki znachodziŭsia ŭ stanie ałkaholnaha apjanieńnia, — nie tolki za styrnom, ale i na pracoŭnym miescy ci ŭ formie — nie zastaŭsia słužyć u orhanach. Takich precedentaŭ niama i nie budzie.
Pra kolkaść milicyjantaŭ
Štatnaja kolkaść orhanaŭ unutranych spraŭ — 405 supracoŭnikaŭ na 100 tysiač nasielnictva. Heta supastaŭna z kolkaściu palicyjantaŭ u Jeŭropie. U nas jość płan aptymizacyi viedamstva, i my miarkujem, što z časam zmožam mienšymi siłami zabiaśpiečvać hramadskuju biaśpieku.
Pra detektary chłuśni
Słužba DAI prachodzić pravierku detektaram chłuśni. Kožny supracoŭnik, jaki budzie nabližacca da praciahu kantrakta, projdzie hetu praceduru. Na siońnia kala 700 čałaviek my takim čynam pravieryli. Adna tracina hetuju praceduru nie prajšła, i ź imi kantrakt praciahnuty nie budzie.
Albo ty admoviŭsia ad palihrafa, albo ty jaho nie prajšoŭ — vynik byŭ adnolkavym. Kantrakt my nie praciahniem.
[Pra mahčymaść niapravilnaha vyniku, pakazanaha palihrafam]: Ja hatovy achviaravać tymi 2%, jakija nie prajšli palihraf.
Pra narkotyki
Na krainu była ździejśnienaja ekspansija. Ataka mižnarodnych sindykataŭ pa vytvorčaści narkotykaŭ. Jany paličyli našu krainu nie tolki tranzicioram, ale i rynkam, jaki moža spažyvać peŭnuju kolkaść narkotykaŭ.
Hetuju ekspansiju my nie zmahli svoječasova adčuć. Ale my vielmi chutka zreahavali na hetuju situacyju zakanadaŭča i zmahli jaje pierałamać.
U narkakantroli stvoranaja słužba internet-vyviedki, asnoŭnaja zadača jakoj — vyjaŭleńnie sietki raspaŭsiudnikaŭ, sajtaŭ i internet-kramaŭ, a taksama błakavańnie ich pracy.
Pra «zładziejaŭ u zakonie»
Na siońnia nam viadoma pra šaściarych «złodziejaŭ u zakonie» biełaruskaha pachodžańnia. Usie jany byli «karanavanyja» za miažoj. Na našaj terytoryi prava «karanavacca» jany nie majuć.
Troje ź ich znachodziacca ŭ miescach pazbaŭleńnia svabody. Adzin za miažoj, nie pakazvajučy siudy nosu. Adzin baražyruje pamiž Biełaruśsiu i Turcyjaj, jašče adzin — pad previentyŭnym nahladam u Słucku.
Ihar Šunievič
Nar. u 1967 va Ukrainie (Łuhanskaja vobłaść). U 1992 skončyŭ Akademiju milicyi MUS Biełarusi, słužyŭ u milicyi. Pracavaŭ u KDB (2007—2012). U studzieni 2012 pryznačany pieršym namieśnikam ministra ŭnutranych spravaŭ, u mai taho ž hoda — ministram.
Apytanka
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary