2008 hod abvieščany Katalickaj Carkvoj hodam Božaha Słova. I vielmi darečy, što mienavita sioleta vierniki Biełaruskaj Hreka‑Katalickaj Carkvy (BHKC) i jaje siabry paradavalisia adradžeńniu sajtu parafii ŭ imia śviatoha i praviednaha Jazepa u Miensku.
2008 hod abvieščany Katalickaj Carkvoj hodam Božaha Słova. I vielmi darečy, što mienavita sioleta vierniki Biełaruskaj Hreka‑Katalickaj Carkvy (BHKC) i jaje siabry paradavalisia adradžeńniu sajtu parafii ŭ imia śviatoha i praviednaha Jazepa u Miensku. Heta była pieršaja hreka‑katalickaja parafija, zasnavanaja ŭ Miensku paśla 1839 hodu na pačatku 1990‑ch, jana ž pieršaja stvaryła svoj sajt SvJazep.org. Sajt byŭ stvorany ŭ 2000 hodzie, ale da niadaŭniaha času nierehularna abnaŭlaŭsia. Ciapier sajt SvJazep.org faktyčna stvorany nanova.
Na sajcie možna znajści nia tolki paviedamleńni pra žyćcio parafii, ale taksama karotkuju i adnačasova źmiastoŭnuju infarmacyju pra ŭsiu Biełaruskuju Hreka‑Katalickuju Carkvu. Tut źmieščany artykuły pra historyju parafii i BHKC (hety artykuł jašče nie zavieršany), bijahrafičnyja daviedki pra hreka‑katalickich śviataroŭ, jakija słužać u parafii, u Biełarusi i za miažoj, a taksama pra carkoŭnyja ŭłady. RSS‑stužka navinaŭ dazvalaje paznajomicca z asnoŭnymi padziejami ŭ žyćci Ŭschodnich Katalickich Cerkvaŭ. Darečy, naviedniki sajtu mohuć daviedacca, kolki Uschodnich Katalickich Cerkvaŭ jość na śviecie i jakija tradycyi jany ŭspadkavali.
Viedama, kožnaja Carkva maje svoj kalandar. Tamu rubryka «Kalandar» na sajcie SvJazep.org, možna skazać, abaviazkovaja. U hetaj rubrycy naviedniki znajomiacca z karotkimi žyćciapisami śviatych, pamiać jakich ušanoŭvajecca Carkvoju ŭ peŭny dzień. Utrymlivajucca ŭ hetaj rubrycy i niekatoryja bohasłužbovyja źviestki. Rubryku viadzie a. Jaŭhien Usošyn — mahistar tealohii i carkoŭny historyk.
U rubrycy «Hamilii i kazańni» publikujucca pieravažna niadzielnyja kazańni. Kazańni pišuć roznyja aŭtary — hreka‑katalickija śviatary, — ale ahulnaj pazytyŭnaj ich rysaj jość toje, što ŭsie jany pa‑biełarusku, karotkija dy majuć ułasnuju nazvu, što dazvalaje čytaču lohka «ŭvajści» ŭ čytańnie tekstu.
Jak skazaŭ karespandentu NN a. Andrej Bunič, zasnavalniki sajtu spadziajucca, što jon budzie cikavy ŭsim chryścijanam ŭ Biełarusi i tym, chto šukaje Boha i svaju Carkvu. Derečy ŭ biełaruskim Internecie hreka‑katalicki SvJazep.org nie samotny: zusim niadaŭna źjaviŭsia sajt pierakładaŭ a. Alaksandra Nadsana (chasaslovec.carkva.by). Biełaruski chryścijanski Internet pašyrajecca.
Kamientary