Na dadzieny momant padatkovyja orhany nakiravali ŭžo bolš za 70 tysiač paviedamleńniaŭ patencyjnym płacielščykam zboru na finansavańnie dziaržaŭnych vydatkaŭ. Praŭda, jak paviedamlaje BiełTA sa spasyłkaj na MPZ, pakul ułady vyrašyli nie pryciahvać da adkaznaści tych, chto nie zapłaciŭ zbor u kaznu.
Pry hetym, jak raspaviała namieśnik načalnika ŭpraŭleńnia padatkaabkładańnia hramadzian, dekłaravańnia dachodaŭ i majomaści hałoŭnaha ŭpraŭleńnia padatkaabkładańnia fizičnych asob MPZ Maryna Pobal, 15 tysiač ź ich zmahli dakazać svajo prava nie płacić hety zbor. Atrymlivajecca, što kožny čaćviorty z tych, chto atrymaŭ «list ščaścia» ad padatkovaj, zmoh dakazać, što nie źjaŭlajecca darmajedam.
Jak raspaviała Maryna Pobal, ad płacielščykaŭ pastupiła ŭžo 3 miljony rubloŭ (havorka pra novyja hrošy), pry hetym 1 miljon hramadzianie zapłacili daterminova - uzamien na 10-pracentnuju źnižku na padatak.
Pakul čynoŭniki vyrašyli nie pryciahvać da administracyjnaj adkaznaści tych, chto nie zapłaciŭ zbor.
- U suviazi z płanavanym uniasieńniem źmianieńniaŭ u dekret fizičnyja asoby, u jakich termin vypłaty nastupiŭ 15 listapada, časova nie buduć pryciahvacca da administracyjnaj adkaznaści da ŭstanaŭleńnia kankretnych terminaŭ vypłaty, - raspaviała Maryna Pobal.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod38
Kamientary