Zajavy pres-słužby Katalickaj Carkvy ŭ Biełarusi.
U suviazi z tym, što ŭ mnohich srodkach masavaj infarmacyi źjaviłasia infarmacyja ab tym, što Papa Benedykt XVI pryniaŭ zaprašeńnie Prezidenta Respubliki Biełaruś Alaksandra Łukašenki naviedać Biełaruś, Mitrapalit Minska‑Mahiloŭski arcybiskup Tadevuš Kandrusievič paviedamiŭ Pres‑słužbie Kanfierencyi Katalickich Biskupaŭ u Biełarusi nastupnaje:
«Paśla cyrymonii ŭskładańnia na maje plečy palija Mitrapalita ŭ bazylicy śviatoha Piatra ŭ Rymie 29 červienia 2008 h. Papa skazaŭ, što kardynał Tarčyzio Bertone vianuŭsia ź Biełarusi vielmi natchniony. Na heta ja adkazaŭ: «Ciapier čakajem Vas, Vaša Śviataść«. Papa adkazaŭ: «Kali Boh dazvolić«.
Takim čynam, ja nie mahu paćvierdzić paviedamleńnie srodkaŭ masavaj infarmacyi ab tym, što Papa pryniaŭ zaprašeńnie. Heta nie bolš, čym svabodnaja interpretacyja ŚMI. Chacia, zrazumieła, nie budu ŭtojvać, što my čakajem Papu».
Kamientary