Prezident Filipinaŭ Radryha Duterte zajaviŭ, što asabista zabivaŭ padazravanych u ździajśnieńni złačynstvaŭ, kali byŭ meram horada Davaa, paviedamlaje ria.ru sa spasyłkaj na ahienctva Frans Pres.
Abrany ŭ mai na pasadu kiraŭnika dziaržavy Duterte vystupaje za poŭnamaštabnuju baraćbu z narkamanami, a taksama tymi, chto raspaŭsiudžvaje zabaronienyja rečyvy. Pavodle apošnich dadzienych palicyi, za apošnija miesiacy ŭ krainie byli zabityja kala troch tysiač čałaviek, źviazanych z narkahandlem.
«U Davaa ja rabiŭ heta asabista. Prosta kab pakazać chłopcam (palicyi), što kali ja mahu heta zrabić, čamu ž nie zmohuć jany», — raspavioŭ Duterte.
«Ja jeździŭ na matacykle pa Davaa i patrulavaŭ vulicy. Ja nasamreč šukaŭ jakuju-niebudź sutyčku, kab zabić kaho-niebudź», - zajaviŭ prezident, dadaŭšy, što nie maje namieru spyniać raspačatuju kampaniju.
Radryha Duterte byŭ meram Davaa na praciahu siami terminaŭ. Usiaho jon zajmaŭ hetu pasadu na praciahu bolš za 22 hadoŭ.
Suśvietnaja hramadskaść nieadnarazova asudžała mietady baraćby z narkahandlem na Filipinach. Ekśpierty AAN u halinie pravoŭ čałavieka zaklikali ŭłady spynić biazładnyja zabojstvy i admovicca ad pakarańniaŭ śmierciu padazravanych, u dačynieńni da jakich nie było praviedziena paŭnavartasnaje sudovaje raźbiralnictva.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki13
Kamientary