Palčys vyklikaŭ buru svajoj acenkaj biełaruskich fieministak
«Historyja ź fieministkami — vydatny prykład «kultu karha» ŭ hałovach «prahresiŭnaj» častki minskich žycharoŭ. Načytalisia lavackaj zachodniaj prapahandy pra «bodzipazityŭ», «sieksizm» i «ciažkija źniavahi žančyn», a potym pasyłajuć durnyja zapyty ŭ Mark Formelle, — napisaŭ Palčys. — U Biełarusi mnostva maci adzinočak, dysbałans mužčynskaha i žanočaha nasielnictva (mnohija žančyny nie mohuć znajści paru), mizernyja vypłaty dapamoh na dohlad dziaciej, pieravaha žančyn u nizkaapłatnym biudžetnym siektary ekanomiki (nastaŭniki, lekary). A im zvyčajnaja rekłama nie padabajecca.
Jak parnahrafist i seksist, liču, što takich aktyvistak treba vyvieźci ŭ Brahin na miesiac, kab jany daviedalisia pra sapraŭdnyja žanočyja prablemy», — rezka padsumavaŭ Palčys.
Zapis vyklikaŭ buru emocyj. Praź dzień Palčys viarnuŭsia da temy.
«Takim čynam, pa ŭčorašnich pastach ja zrazumieŭ, nakolki FB daloki ad realnaści. Amal 500 kamientaŭ pad pastom pra nieadekvatnyja dziejańni «fieministak» u historyi z MF. Jakija tam palitźniavolenyja, nacyjanalnaja biaśpieka, navat urbanizm i bardziury adpačyvajuć pierad vialikim sračam ab rekłamie trusoŭ i «fieminizm».
Samaje cikavaje, što maje krytyki nie mohuć pryvieści ni adnaho arhumientu, akramia jak: «Aha, nu vsio z taboj zrazumieła», «Palčys, ja była \ byŭ pra ciabie lepšaj dumki», «Durak \ Mudak», «Niaŭdały trołl». Heta značyć prosta emacyjnaje burleńnie i bambiožki.
A heta jakraz kaža pra toje, što ludzi prosta zajmajucca «subkulturščynaj».
Tak i miascovaja «libieralnaja» tusovačka: vinnyja bary, barbieršopy, Zybickaja, prahresiŭnaść, pravy hiejaŭ, hiendarnaść, «razumnyja knihi». A potym płačuć, što Tramp vyjhraŭ. I sprabujuć emacyjnymi krykami rastłumačyć mnie pra fieminizm, jaki ja sam u svoj čas vyvučaŭ paŭhoda.
Historyja z «Mark Farmel» — nie fieminizm, a idyjatyzm. I kali niechta dumaje, što ja budu staracca ŭsim padabacca, być «niašnym» i pisać mileńkuju łuchtu, to pamylajeciesia. Mianie pasadzili za advarotnaje, i mianiacca nie źbirajusia», — adkazaŭ Palčys.
Jon napisaŭ jašče:
Dopisy Palčysa vyklikali dziasiatki repostaŭ i tysiačy kamientaŭ u biełaruskich karystalnikaŭ fejsbuka.
A što dumajecie pra vykazvańni błohiera vy?
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
Kamientary