Natalla Piatkievič i Alaksandar Zimoŭski kamentujuć čutki pra mahčymaje ich pryznačeńnie kiraŭniom Administracyi prezydenta
Hetyja čutki adnavilisia paśla hučnych adstavak Viktara Šejmana z pasady dziaržaŭnaha sakratara Savieta biaśpieki i Hienadzia Niavyhłasa z pasady kiraŭnika Administracyi prezidenta 8 lipienia. Aficyjnaja farmuloŭka adstavak — «u suviazi ź pieravodam na inšuju pracu». Pryčynaj dla ich pasłužyŭ vybuch u Minsku 4 lipienia padčas kancerta z nahody Dnia niezaležnaści.
«Možacie praanalizavać presu, — prapanavała BiełaPAN N.Piatkievič. — Kožny hod pastajanna čutki takija źjaŭlajucca». Pavodle jaje słoŭ, hetyja čutki nie majuć pad saboju nijakaj padstavy. Na pytańnie ab mahčymych źmianieńniach u karjery N.Piatkievič adkazała: «Heta ž nie ad mianie zaležyć».
U svaju čarhu Alaksandr Zimoŭski nie staŭ kamientavać hučnyja adstaŭki apošnich dzion i patłumačyŭ:
«Nie maju pryvyčki šturchać žyvych asłoŭ i miortvych lvoŭ». Nakont čutak ab jaho mahčymym pryznačeńni na pasadu kiraŭnika Administracyi prezidenta kiraŭnik Biełteleradyjokampanii skazaŭ: «Mianie davoli časta kudy‑niebudź «pryznačajuć», «pieravodziać» i «nakiroŭvajuć». Da hetaha možna pryvyknuć. Što da prapanoŭ uznačalić palityčny štab prezidenta krainy (tolki takija funkcyi liču aptymalnymi dla administracyi), to ja ich nie atrymlivaŭ — heta pa‑pieršaje. Pa‑druhoje, mnie b nie chaciełasia mieć spravu ź ludźmi, proźviščy jakich źbiraŭsia nazvać prezident padčas abviaščeńnia Pasłańnia da biełaruskaha naroda i parłamienta».
Nahadajem, vystupajučy 29 krasavika sa štohadovym pasłańniem da biełaruskaha naroda i parłamienta, Alaksandr Łukašenka zajaviŭ: «Čałaviek 15 samych vysokich uradavych čynoŭnikaŭ i Administracyi prezidenta zaviaźli ŭ karupcyi». Takaja vysnova, pavodle słoŭ prezidenta, vynikaje z pakazańniaŭ hienieralnaha dyrektara handlovaha doma «Ždanovičy» Jaŭhiena Šyhałava, jaki byŭ zatrymany 5 krasavika i abvinavačvajecca ŭ złoŭžyvańni ŭładaj abo słužbovymi paŭnamoctvami. «U chutkim časie ja vas usich zaprašu da siabie, — paabiacaŭ prezident, źviartajučysia da čynoŭnikaŭ. — Vy mnie raskažacie, za čyje vy hrošy heta rabili i navošta naohuł vy heta rabili. Heta adnosicca i da niekatorych parłamientaryjaŭ».
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach7
Kamientary