29 śniežnia sud Centralnaha rajona Homiela abviaściŭ prysud u dačynieńni da 23-hadovaha žychara abłasnoha centra, jaki abvinavačvajecca ŭ šerahu złačynstvaŭ, u tym liku kradziažy, zhvałtavańni i hvałtoŭnych dziejańniach seksualnaha charaktaru.
Jak paviedamili BiełaPAN u sudzie Centralnaha rajona, pa sukupnaści złačynstvaŭ małady hamialčanin pakarany 10 hadami pazbaŭleńnia voli.
Zhvałtavańnie i hvałtoŭnyja dziejańni seksualnaha charaktaru byli ŭčynieny ŭ mai 2016 hoda, paciarpiełaja — miascovaja 45-hadovaja žycharka, ź jakoj abvinavačvany paznajomiŭsia ŭ dzień učynieńnia złačynstva.
U haradskoj prakuratury dadali, što heta siomaja sudzimaść u abvinavačvanaha. Jon sa školnaj łavy časta traplaŭ u pole zroku pravaachoŭnych orhanaŭ, vučyŭsia ŭ śpiecyjalnym kłasie i adbyvaŭ pakarańnie za majomasnyja złačynstvy ŭ kałonii dla niepaŭnaletnich.
U «pasłužnym śpisie» abvinavačvanaha — kradziažy, rabavańni, zhvałtavańni. Paśla čarhovaha adbyćcia pakarańnia žychar Homiela vyjšaŭ na volu 25 sakavika 2016 hoda, a ŭžo ŭ mai ŭčyniŭ čarhovaje ciažkaje złačynstva.
Prysud nie nabyŭ zakonnuju moc, moža być abskardžany i apratestavany.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary