Dyskamfortu dadaść mocny paryvisty viecier.
Siońnia, 5 studzienia, čakajecca rezkaje pachaładańnie, paviedamlaje Hidramiet.
Na bolšaj častcy terytoryi projdzie śnieh, u asobnych rajonach miacielica, pa paŭdniovym uschodzie — słaby hałalod. Na darohach ślizka. Viecier paŭnočny, mocny, paryvisty.
Maksimalnaja tempieratura pavietra -8.. -16°S, pa paŭdniovym uschodzie -1.. -7°S.
U Minsku: karotkačasovy śnieh, słabaja miacielica. Maksimalnaja tempieratura pavietra -9..- 11°S, na praciahu dnia panižeńnie da -13..- 15°S.
A siomaj ranicy ŭ Minsku było minus 7.
U nastupnyja dni stanie jašče chaładniej. U piatnicu ŭ krainu pačnie pastupać chałodnaje arktyčnaje nadvorje.
«Samyja chałodnyja dni ŭ nas čakajucca na śviaty 7 i 8 studzienia. Tempieratura pavietra ŭ subotu nočču budzie ad 16 da 23 hradusaŭ marozu, pry prajaśnieńniach minus 24-27 hradusaŭ. U niadzielu — jašče na niekalki hradusaŭ chaładniej, nočču čakajecca 18-25 nižej za nul, pry prajaśnieńniach da minus 28. Pry hetym čakajecca jašče i paŭnočny viecier, jaki istotna ŭzmocnić upłyŭ marazoŭ», — adznačyŭ učora na bryfinhu Dźmitryj Rabaŭ.
Sinoptyk rastłumačyŭ, što kali tempieratura budzie minus 25, to paŭnočny viecier dabavić jašče hradusaŭ 7-8. «Tempieratura kamfortnaści budzie značna nižejšaj, tamu situacyja čakajecca składanaj, asabliva ŭ śviatočnyja dni. Taksama ŭ bližejšy čas nas čakajuć rezkija pierapady atmaśfiernaha cisku i tempieratury, što budzie ŭpłyvać na samaadčuvańnie mieteazaležnych ludziej», — raskazaŭ jon.
Na pravasłaŭnaje Rastvo buduć nie tolki mocnyja marazy, ale i paŭnočny viecier
Abmarožanyja ruki nie rekamiendujecca raścirać śnieham i sahravać la batarei
U studzieni ŭ Biełarusi čakajucca i inšyja cykłony
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj10
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary