Studenty Biełaruskaha dziaržaŭnaha technałahičnaha ŭniviersiteta raźmiaścili ŭ internecie zroblenuju im prapanovu prapuścić zaniatki ŭzamien za padstrachoŭku stvareńnia masavaści na «Kaladnym turniry amataraŭ chakieja».
Prapanova sychodziła ad vykładčyka kafiedry infarmatyki Ramana Azarčyka.
Hety fakt devalvacyi vyšejšaj adukacyi ŭ Biełarusi nastolki aburyŭ byłoha vykładčyka infarmatyki Biełdziaržuniviersiteta Źmitra Vałotku, što toj vyrašyŭ schadzić na pryjom da kiraŭnictva BDTU.
Svaje pryhody padčas razmovaŭ z administracyjaj univiersiteta były vykładčyk — a siońnia prahramist — apisaŭ u svaim błohu.
Historyja na hetym nie skončyłasia. Jak raskazaŭ «Našaj Nivie» błohier, na nastupny dzień nieviadomyja złamyśniki sprabavali ŭzłamać jahonuju paštovuju skryniu i atakavali sajt.
«Chto heta rabiŭ, ja pakul nie vyśvietliŭ, — skazaŭ nam Źmicier. — Ja adpraviŭ zapyty ŭładalnikam tych IR-adrasoŭ, ź jakich išła ataka».
Atrymać kamientar va ŭniviersitecie «Našaj Nivie» nie ŭdałosia.
«My heta nie kamientujem», — skazaŭ dekan fakulteta infarmacyjnych technałohij Dźmitryj Šyman.
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary