Nacyjanalnaja rada Ukrainy pa pytańniach telebačańnia i radyjoviaščańnia zabaraniła viaščańnie rasijskaha telekanała «Dožd́» z-za parušeńnia ŭkrainskaha zakanadaŭstva. Pra heta «Doždiu» paviedamiŭ pradstaŭnik pravajdera-partniora «Vola», čyj juryst prysutničaŭ na pasiadžeńni rehulatara.
Pa słovach pradstaŭnika «Voli» Aksany Viesiałovaj, rašeńnie ab vyklučeńni «Doždia» ź pieraliku zamiežnych prahram, źmiest jakich adpaviadaje ŭkrainskamu zakanadaŭstvu, było pryniata na pasiadžeńni Nacrady 12 studzienia. Aficyjny dakumient budzie apublikavany 16 studzienia. Z hetaha momantu ŭ apierataraŭ budzie miesiac, kab vyklučyć kanał ź sietak.
Viesiałova raspaviała, što tranślacyja kanała na terytoryi krainy była zabaronienaja z-za raźmiaščeńnia ŭ efiry kamiercyjnaj rekłamy. Ukrainskaje zakanadaŭstva zabaraniaje raźmiaščeńnie rekłamy ŭ efiry zamiežnych telekanałaŭ. Vyklučeńnie składajuć kanały, jakija traplajuć pad jurysdykcyju dziaržaŭ — členaŭ Jeŭrapiejskaha sajuza abo dziaržaŭ, jakija ratyfikavali Jeŭrapiejskuju kanviencyju ab transhraničnym telebačańni (Rasija nie ŭvachodzić u lik hetych dziaržaŭ).
«Interfaks» sa spasyłkaj na člena Nacrady Siarhieja Kaścinskaha nazyvaje jašče adnu pryčynu zabarony na viaščańnie «Doždia».
Pa dadzienych ahienctva, telekanał parušyŭ zakon krainy, tranślujučy infarmacyju, jakaja robić zamach na terytaryjalnuju cełasnaść Ukrainy — telekanał pakazvaje Krym jak terytoryju Rasii.
«Mnie vielmi škada, što Nacrada Ukrainy pryniała takoje rašeńnie», — zajaviła hiendyrektar «Doždia» Natalla Sindziejeva. Pavodle jaje słoŭ, u adpaviednaści z umovami dahavoraŭ z usimi pravajderami na Ukrainie viaščańnie Doždia na ŭsioj terytoryi krainy ažyćciaŭlajecca praz IP-złučeńnie biez pramoj kamiercyjnaj rekłamy. Jana adznačyła, što Nacrada Ukrainy była apavieščana ab hetym 8 žniŭnia 2016 hoda, paśla čaho pretenzij ab nieadpaviednaści źmiestu telekanała ŭkrainskamu zakanadaŭstvu «Dožd́» nie atrymlivaŭ.
Pa słovach Sindziejevaj, telekanał kirujecca rasijskim zakanadaŭstvam pry adlustravańni karty Rasii. «U adpaviednaści z artykułam 65 Kanstytucyi Rasijskaj Fiederacyi Respublika Krym źjaŭlajecca subjektam Rasijskaj Fiederacyi», - udakładniła Sindziejeva.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ2
Kamientary