U čaćvier niamiecka-polskuju miažu pierasiok pieršy amierykanski aŭtakanvoj u składzie BMP i hruzavikoŭ. Raniej bolš za tysiaču amierykanskich sałdat prylacieli va Urocłaŭ, Poznań i inšyja harady. Jany buduć nieści słužbu ŭ Polščy i inšych krainach uschodniaha rehijonu ŭ ramkach apieracyi Atlantic Resolve, jakaja źjaŭlajecca adkazam na ahresiŭnyja dziejańni Rasii ŭ rehijonie.
Vitajučy na polskaj ziamli amierykanskich marynies.iu kamandujučy 11-j Lubuskaj braniatankavaj bryhady hienierał Jarasłaŭ Mika nahadaŭ pra šmatviekavuju tradycyju sumiesnaj polska-amierykanskaj baraćby za niezaležnaść, jakuju simvalizujuć hieroi Vajny za niezaležnaść ZŠA Tadevuš Kaściuška i Kazimiež Pułaski.
U svaju čarhu kamandzir amierykanskaj bajavoj hrupy pałkoŭnik Krystafier Nory adznačyŭ, što amierykanskija sałdaty prybyli ŭ Polšču dla akazańnia padtrymki sajuźnikam, a taksama strymlivańnia patencyjalnaha ahresara. Amierykanskija vajskoŭcy i vajennaja technika buduć raźmieščany ŭ Žahani, Śvientašuvie, Skviežynie i Balasłaŭcy.
Na 14 studzienia ŭ haradach ŭsioj Polščy zapłanavany aficyjnyja cyrymonii pryvitańnia amierykanskich sałdat. Centralnyja ŭračystaści z udziełam premjer-ministra Bieaty Šydła i ministra nacyjanalnaj abarony Antonija Maciareviča projduć u Žahani.
Prykładna 4,5 tys. vajskoŭcaŭ ZŠA buduć nieści słužbu na terytoryi Polščy, Litvy, Łatvii, Rumynii, Bałharyi i Vienhryi. Ratacyja amierykanskich vojskaŭ budzie ažyćciaŭlacca kožnyja dzieviać miesiacaŭ.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary