Hałoŭnaj temaj XXIV Minskaj mižnarodnaj knižnaj vystavy-kirmašu, jakaja projdzie 8—12 lutaha ŭ vystavačnym kompleksie na praśpiekcie Pieramožcaŭ, stanie 500-hodździe biełaruskaha knihadrukavańnia, paviedamiŭ na pres-kanfierencyi 2 lutaha ŭ stalicy namieśnik ministra infarmacyi Ihar Łucki.
Pavodle jaho słoŭ, u hetym hodzie svaje knižnyja paviljony vystaviać pradstaŭniki 31 krainy. Akramia Biełarusi ŭ vystavie buduć udzielničać takija jeŭrapiejskija krainy, jak Vialikabrytanija, Hiermanija, Hrecyja, Italija, Małdova, Polšča, Rasija, Sierbija, Słavakija, Ukraina, Finlandyja, Čechija, Šviejcaryja i Šviecyja. Azija budzie pradstaŭlena Kazachstanam, Kitajem, Pakistanam, Tadžykistanam, Turkmienistanam i Paŭdniovaj Karejaj, a Blizki Uschod — Azierbajdžanam, Izrailem, Iranam, Paleścinaj, Siryjaj i Turcyjaj. Paŭdniovuju i Paŭnočnuju Amieryku, a taksama Karybski basiejn pradstaviać Vieniesueła, Kuba, ZŠA i Ekvador.
Jak źviarnuŭ uvahu namieśnik ministra, na vystavie taksama znojduć adlustravańnie temy 135-hodździa Janki Kupały i Jakuba Kołasa, jubilejnyja daty, źviazanyja z žyćciom Pimiena Pančanki, Janki Bryla i inšych litarataraŭ.
Za piać dzion u ramkach vystavy projdzie kala 300 mierapryjemstvaŭ, paviedamiŭ Łucki. U pryvatnaści adbudziecca ŭračystaja cyrymonija ŭznaharodžańnia pieramožcaŭ 56-ha nacyjanalnaha konkursu «Mastactva knihi» i pieramožcaŭ pieršaha konkursu maładych litarataraŭ «Pieršaćviet».
Adnym z centralnych mierapryjemstvaŭ forumu stanie treci mižnarodny litaraturny simpozium «Piśmieńnik i čas», pryśviečany ŭ hetym hodzie biełaruskamu knihadrukavańniu jak častcy suśvietnaj i knižnaj historyi.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary