U Indyi małady čałaviek, źbity aŭtobusam, pamior ad straty kryvi z-za taho, što ludzi, jakija sabralisia vakoł jaho, svoječasova nie akazali jamu dapamohu i nie vyklikali lekaraŭ, paviedamlaje VVS.
17-hadovy Anvar Ali byŭ dastaŭleny ŭ balnicu štata Karnataka prykładna praz paŭtary hadziny paśla taho, jak jaho źbiŭ aŭtobus. U toj momant chłopiec jechaŭ na rovary.
Miascovyja ŚMI paviedamlajuć, što paranienaha akružyŭ natoŭp ludziej, jakija fatahrafavali jaho i rabili ź im videa, ale nijak nie dapamahali jamu.
U vyniku junak straciŭ šmat kryvi i pamior. Lekary miarkujuć, što jon moh vyžyć, kali b atrymaŭ miedycynskuju dapamohu raniej.
Hety vypadak nahadaŭ ab daŭniaj prablemie indyjskaha hramadstva, dzie vypadkovyja śviedki zdareńnia redka dapamahajuć paciarpiełym.
Aktyvist Pijuš Tevary, jaki zmahajecca za biaśpieku ŭ Indyi, patłumačyŭ, što časta ludzi nie dapamahajuć z-za strachu pierad palicyjaj. Miascovyja palicejskija časta dumajuć, što ludzi dapamahajuć inšym z pačućcia viny, rastłumačyŭ Tevary.
Jašče adna pryčyna — u tym, što ludzi bajacca stać śviedkami pry razhladzie spravy ŭ sudzie. Časta sudovyja pracesy ŭ Indyi zaciahvajucca nadoŭha.
Akramia taho, ludzi aścierahajucca, što kali dastaviać achviaru ŭ balnicu, to miedycynskaja ŭstanova prymusić ich apłacić vydatki na lačeńnie.
U mai minułaha hoda Viarchoŭny sud Indyi vynies rašeńnie ab tym, što ludzi, jakija dapamahajuć inšym, pavinny być abaronienyja ad lubych pieraśledaŭ. Padobny zakon pryniaŭ i štat Karnataka. Adnak mnohija albo nie viedajuć pra zakon, albo nie daviarajuć uładam.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak4
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary