Łaŭroŭ raspavioŭ pra ŭmovy admieny sankcyj suprać Jeŭropy

Kiraŭnik MZS Rasii Siarhiej Łaŭroŭ zajaviŭ, što RF nie zdymie sankcyi z krain Jeŭrasajuza da poŭnaha vykanańnia minskich pahadnieńniaŭ, jakija rehłamientujuć mirnaje ŭrehulavańnie kanfliktu ŭ Danbasie, paviedamlaje Newsru.com.

Pavialičyć

Łaŭroŭ skazaŭ ab hetym z trybuny Miunchienskaj kanfierencyi pa biaśpiecy — adnaho z pradstaŭničych jeŭrapiejskich forumaŭ, dzie da jaho vystupili kancler Hiermanii Anhieła Mierkiel i vice-prezident ZŠA Majk Piens. Pry hetym Mierkiel kazała ab nieabchodnaści supracoŭničać z Rasijaj, a Piens — ab adkaznaści RF za ŭzbrojeny kanflikt na ŭschodzie Ukrainy. Łaŭroŭ zapeŭniŭ, što Rasija nacelenaja na vykanańnie minskich pahadnieńniaŭ.

«My taksama chočam, kab minskija damoŭlenaści vykonvalisia. I my svaich sankcyj nie zdymiem ź Jeŭrasajuza, pakul minskija damoŭlenaści nie buduć vykananyja. Heta taksama treba razumieć» — cytuje kiraŭnika MZS ahienctva TASS.

«Adnosna sankcyj ja ŭžo vykazvaŭsia nakont taho, nakolki ŭ cełym niełahična i štučna hučyć formuła: minskija damoŭlenaści pavinny być vykananyja Rasijaj, i tady ES zdymie sankcyi», — adznačyŭ jon.

U toj ža čas Łaŭroŭ padkreśliŭ, što adnaŭleńnie kantrolu Kijeva nad miažoj z Rasijaj mahčymaje tolki paśla vykanańnia minskich pahadnieńniaŭ. U ciapierašni čas niekatoryja prapusknyja punkty kantralujucca sieparatystami «DNR» i «ŁNR». U Kijevie raniej zajaŭlali, što kantrol nad miažoj pavinien być pieradadzieny ŭkrainskaj pahransłužbie da taho, jak u «asobnych rajonach Danbasa» buduć praviedzienyja vybary. Kiraŭnik MZS nazvaŭ pazicyju Rasii «sumlennaj» i vykazaŭ nadzieju na pieraadoleńnie roznahałośsiaŭ: «Pahladzim, jak dalej pojdzie naš dyjałoh ź Jeŭrasajuzam i NATA. U nas pazicyja ŭpeŭnienaja i abapirajecca na sumlennyja vykładki, jakimi my dzielimsia z našymi kalehami. Kali jany zachočuć hety štučna stvorany kanfrantacyjny etap pieraadoleć, heta ŭ ich siłach».

Taksama Łaŭroŭ vykazaŭsia za adnaŭleńnie vajennych kantaktaŭ z Paŭnočnaatłantyčnym aljansam: «Dla taho, kab aściarohi i padazreńni zdymać, treba adnavić vajennaje supracoŭnictva… (hienieralny Sakratar NATA) Jens Stołtenbierh u asiarodździ svaich namieśnikaŭ učora nie zmoh skazać, što ŭ NATA da hetaha ŭžo hatovyja. Heta sumna, tamu što biez praktyčnaha supracoŭnictva lubyja sustrečy dypłamataŭ nijakaha dadadzienaha sensu nie buduć mieć, u tym, što tyčycca vyrašeńnia prablem biaśpieki».

Łaŭroŭ taksama nahadaŭ ab słovach Mierkiel, jakaja zaklikała abmierkavać kibierbiaśpieku ŭ ramkach Rady RF-NATA. «Siońnia kancler Mierkiel — my zahavaryli ab kibierbiaśpiecy — vyłučyła vielmi cikavuju dumku ab tym, što Rada RF-NATA pavinna była b zaniacca hetaj prablemaj… Kali ciapier kancler Hiermanii — adnaho ź viadučych siabroŭ NATA — vystupaje za toje, kab NATA zajmałasia kibierbiaśpiekaj, ja zychodžu z taho, što, pa mienšaj miery, Bierlin choča, kab RRN adnaviła paŭnavartasnaje funkcyjanavańnie, a nie prosta abmiežavałasia dyskusijami», - paviedamiŭ Łaŭroŭ.

• 0
• 0
• 0
• 0
• 0
• 0
• 0
• 0