U Minsku ŭviedzieny panižany dzionny taryf na stajankach dziaržaŭnaha abjadnańnia «Haražy, aŭtastajanki i parkoŭki», paviedamiŭ BiełTA hałoŭny inžynier dziaržabjadnańnie Piatro Prudnikaŭ.
Novy taryf dziejničaje z 1 sakavika. Z 6.00 da 19.00 kiroŭcy mohuć pakidać svaje mašyny ŭsiaho pa 5 kapiejek za adnu hadzinu (raniej košt hadziny byŭ 1 rubiel).
«U stalicy ŭ nas 106 stajanak i parkovak na 27 tys. parkovačnych miescaŭ. Jak śviedčyć praviedzieny analiz, kala 3,5 tys. ź ich volnyja. Navošta im pustavać? Tamu i pryniali rašeńnie ab tym, kab uvieści maksimalna demakratyčny pa canie taryf. Ludziam, jakija pryjazdžajuć na svaich aŭto na pracu, značna kamfortniej pakinuć za nievialikuju płatu aŭtamabil na stajancy pad achovaj, čym šukać biaspłatnaje miesca abo parkavacca ŭ zabaronienym miescy, — rastłumačyŭ surazmoŭca. — A dla dziaržabjadnańnie heta dadatkovaja finansavaja addača ad vykarystańnia parkovačnych miescaŭ».
Koštavaja palityka pavinna być hnutkaj, adznačyŭ P.Prudnikaŭ i dadaŭ, što karektavać taryfy treba z ulikam siońniašniaj situacyi.
Darečy, z 19.00 da 6.00 raźlik idzie jak za sutačnaje zachoŭvańnie — pa 2 rubli.
Kamientary