Labiedźka, Hubarevič i Rymašeŭski atrymali pa 15 sutak — jany vyjduć adrazu paśla Dnia voli
Sud Maładziečanskaha rajonu pakaraŭ staršyniu Ruchu «Za svabodu» Juryja Hubareviča, a taksama staršyniu AHP Anatola Labiedźku aryštami pa 15 sutak za arhanizacyju Marša «Ja niedarmajed» u Maładziečnie. Čamu mienavita taki termin? Palitykaŭ vyzvalać uviečary 25 sakavika, paśla zakančeńnia Dnia Voli.
Paśla stała viadoma, što takoje ž pakarańnie vyniesiena sustaršyniu Biełaruskaj chryścijanskaj demakratyi Vitalu Rymašeŭskamu.
Pra heta paviedamiŭ adkazny sakratar BCHD Dzianis Sadoŭski.
Takim čynam, lidary Pravacentrysckaj kaalicyi prapuściać usie akcyi pratestu «niedarmajedaŭ», jakija byli zapłanavanyja ŭ sakaviku, i vyjduć na volu tolki kala 19:30 u Dzień Voli 25 sakavika.
Sudździa Alaksiej Iršyn nie zadavoliŭ chadajnictva Hubareviča pra vyklik u sud u jakaści śviedak staršyni AHP Anatola Labiedźki i sustaršyni BCHD Vitala Rymašeŭskaha, na viadzieńnie fota- i videazdymkaŭ. Paśla jašče adnaho chadajnictva staršyni Ruchu byŭ vyklikany dziažurny advakat, jany atrymali čas dla aznajamleńnia sa spravaj.
Iršyn začytaŭ, što Hubarevič abvinavačvajecca pa art. 23.34 č. 3 (arhanizacyja ci ŭdzieł u niesankcyjanavanych masavych mierapryjemstvach, jakija byli ździejśnienyja paŭtorna). Pa słovach sudździ, lidar Ruchu ŭdzielničaŭ u niesankcyjanavanym mierapryjemstvie i «z dapamohaj vusnaj movy vykrykvaŭ łozunhi» «Za admienu Dekreta № 3 prezidenta «Ab papiaredžańni sacyjalnaha ŭtrymanstva!».
Hubarevič nie pryznaŭ sabie vinavatym, chacia zhadziŭsia z tym, što jon byŭ na płoščy, udzielničaŭ u akcyi.
«Rašeńnie pra aryšt — heta sproba izalacyi, asabliva napiaredadni akcyjaŭ pratesta 15 i 25 sakavika», — skazaŭ sajtu Pyx.by Juryj Hubarevič.
Pa jahonych słovach, u Maładečna suprać pratestoŭcaŭ dziejničali dastatkova žorstka: zatrymlivali ludziej, jakija prosta vystupali, išli ŭ pieršych šerahach pad čas šeścia. Pa administracyjnych spravach, adznačyŭ Hubarevič, prachodziać 15 čałaviek.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary