U Branskaj vobłaści Rasii dyrektar škoły i nastaŭniki praviali vychavaŭčuju hutarku z vučniami paśla taho, jak adzin z školnikaŭ zapisaŭsia na ŭdzieł u mitynhu Fondu baraćby z karupcyjaj Alaksieja Navalnaha. Zapis hutarki dastupny ŭ sietcy YouTube. Školnika prosta z uroka zabrali ŭ palicyju. Piedahohi sprabavali raskazać padletkam pra «niepatryjatyčnaść» padtrymki apazicyi, adnak dzieci zastupilisia za svajho tavaryša i vykazali niekalki biesstarońnich zaŭvah pra prezidenta, premjera i kirujučuju partyju RF, a taksama ab udziele krainy ŭ zachopie Kryma i vajnie va Ukrainie.
Padčas hutarki dyrektarka nazvała prezidenta Rasii Uładzimira Pucina «lidaram z vysokim rejtynham za košt zamiežnaj palityki», choć i pryznała, što «ŭnutranaja palityka słabavataja» z-za adsutnaści hrošaj.
«A jakaja zamiežnaja palityka ŭ nas pravodzicca? Suprać nas Amieryka, suprać nas Jeŭropa. Z-za Kryma, što my adabrali», — adkazali dzieci.
Fond Navalnaha paviedamiŭ u «Ukantakcie», što hatovy pradastavić zatrymanamu junaku biaspłatnuju jurydyčnuju dapamohu.
2 sakavika Fond baraćby z karupcyjaj Navalnaha apublikavaŭ rasśledavańnie ab «karupcyjnaj impieryi» Miadźviedzieva pad nazvaj «Jon vam nie Dzimon». U fondzie śćviardžajuć, što premjer-ministr i jaho asiarodździe stvaryli złačynnuju schiemu, zasnavanuju na dabračynnych fondach, jakimi kirujuć siabry, adnakurśniki i davieranyja asoby kiraŭnika ŭrada.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary