Sud Centralnaha rajona Minska siońnia apraŭdaŭ aktyvista Jaŭhiena Baturu. Jaho chacieli pryciahnuć da adkaznaści za ŭdzieł u niesankcyjanavanaj akcyi pa abaronie Kurapat 21 lutaha.
Sudździa Viktoryja Šabunia spyniła razhlad spravy za niedakazanaściu viny, paviedamlaje Tut.by.
Na minułym tydni sud Pieršamajskaha rajona pa tych ža abvinavačvańniach užo apraŭdaŭ žurnalistku Dyjanu Sieradziuk, žonku Jaŭhiena Batury.
U pratakole, jaki skłali supracoŭniki milicyi, było napisana, što małady čałaviek 21 lutaha prymaŭ aktyŭny ŭdzieł u mitynhu pa abaronie Kurapat ad budaŭnictva biznes-centra na vulicy Mirašničenka: vykrykvaŭ łozunhi, razmachvaŭ bieł-čyrvona-biełym ściaham, zaminaŭ rabočym.
Dakazać nievinavataść Jaŭhiena Batury dapamoh zapis anłajn-tranślacyi partała Tut.by z akcyi. Na kadrach vidać, što Jaŭhien Batura prosta chadziŭ kala budplacoŭki i ni ŭ jakim pikiecie nie ŭdzielničaŭ.
Heta paćvierdzili i śviedki — rabočyja TAA «Biełriekonstrukcija».
— Bačyŭ u toj dzień Baturu, ale jon prosta znachodziŭsia pobač i na budplacoŭku nie zachodziŭ. Sa ściaham ja jaho nie bačyŭ, płot jon nie łamaŭ, nie vykrykvaŭ łozunhi, — patłumačyŭ na minułym pasiedžańni suda elektrazvarščyk Uładzimir Kańšyn.
27 lutaha jaho zaprasili ŭ aporny punkt i paprasili zadnim čysłom padpisać užo zapoŭnieny pratakoł ab pravaparušeńniach kankretnych ludziej. Jak akazałasia, tekstu jon nie bačyŭ, a źmiest dakumienta jamu začytali tolki častkova.
Jaho kaleha, plitačnik-ablicoŭščyk Dźmitryj Chabałkin, u sudzie skazaŭ, što naohuł nikoli raniej nie bačyŭ Jaŭhiena Baturu i nie zmoh apaznać jaho siarod prysutnych na pracesie.
— 27 lutaha na abjekt pryjšoŭ milicyjant u cyvilnym i paprasiŭ padpisać užo zapoŭnieny pratakoł. Tudy tolki ŭpisali našy proźviščy. Toje, što Batura ŭdzielničaŭ u pikiecie, — heta niapraŭda, — skazaŭ Dźmitryj Chabałkin. — Davieryŭsia supracoŭnikam milicyi, a ciapier takoje atrymlivajecca.
Nahadajem, pa troje sutak aryštu za ŭdzieł u pikiecie pa abaronie Kurapat ŭžo atrymlivali lidar «maładafrontaŭcaŭ» Źmicier Daškievič i aktyvist Siarhiej Palčeŭski.
-
Pisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
-
Łukašenka siońnia asabista praviaraje bojehatoŭnaść Uzbrojenych sił
-
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary