Kiraŭnik MZS Brytanii Borys Džonsan admianiŭ vizit u Rasiju, pryznačany na 10 krasavika. Pra heta paviedamlajecca na sajcie źniešniepalityčnaha viedamstva Złučanaha karaleŭstva.
Džonsan patłumačyŭ, što raźvićcio sytuacyi ŭ Syryi zmušaje jaho zastacca dla kansultacyj napiaredadni sustrečy G7. Pry hetym jon vykazaŭ škadavańnie ŭ suviazi z padtrymkaj Rasiejaj režymu Bašara Asada.
«Raźvićcio sytuacyi ŭ Syryi fundamentalna źmianiła situacyju. Maim pryjarytetam ciapier budzie praciah kantaktaŭ z ZŠA i inšymi (sajuźnikami) napiaredadni sustrečy G7 10—11 krasavika — z metaj arhanizavać skaardynavanuju mižnarodnuju padtrymku režymu spynieńnia ahniu … i intensiŭnaha palityčnaha pracesu», — havorycca ŭ zajavie Džonsana.
Tam taksama padkreślivajecca, što plany ŭzhodnieny z kiraŭnikom Dziaržaŭnaha departamentu ZŠA Reksam Tylersanam, i toj naviedaje Maskvu, «jak i planavałasia, paśla sustrečy krain vialikaj siamiorki» — 12 krasavika. Jon maje danieści da rasiejcaŭ «jasnuju i skaardynavanuju pazycyju», padkreślivaje Džonsan.
Taksama ŭ zajavie Džonsana padkreślivajecca: «My asudžajem toje, što Rasieja praciahvaje abaraniać režym Asada, navat paśla chimičnaj ataki na niavinnych cyvilnych asobaŭ. My zaklikajem Rasieju zrabić usio mahčymaje, kab zrabić mahčymym palityčnaje vyrašeńnie kanfliktu ŭ Syryi i pracavać ź mižnarodnaj supolnaściu, kab šakavalnyja padziei minułaha tydnia nikoli nie paŭtarylisia».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary