Z-za taho, što Ukraina nie puścić na konkurs «Jeŭrabačańnie» ŭ Kijevie ŭdzielnicu ad Rasii Juliju Samojłavu, «Pieršy kanał» admoviŭsia tranślavać šou, paviedamlajuć rasijskija ŚMI sa spasyłkaj na pres-słužbu telekanała.
TASS
Jeŭrapiejski viaščalny sajuz nakiravaŭ list «Pieršamu kanału», dzie paviedamiŭ, što nie zmoh urehulavać pytańnie ab udziele Julii Samojłavaj u «Jeŭrabačańni» ŭ Kijevie. JEVS spasyłajecca na rašeńnie śpiecyjalnych słužbaŭ Ukrainy.
«Jeŭrapiejski viaščalny sajuz pa-raniejšamu prapanuje nam varyjant addalenaha ŭdziełu Julii Samojłavaj abo jaje zamienu na inšaha ŭdzielnika. My ličym i toj, i inšy varyjant nieprymalnym. Addaleny vystup dyskryminuje rasijskuju ŭdzielnicu i idzie nasupierak z praviłami i pryncypami konkursu. Varyjant zamieny Julii Samojłavaj na inšaha vykanaŭcu, na naš pohlad, navat nie moža razhladacca. U situacyi, jakaja skłałasia, «Pieršy kanał» nie ličyć mahčymym tranślavać konkurs Jeŭrabačańnie-2017», — cytuje paviedamleńnie pres-słužby «Pieršaha kanała» RNS.
Takim čynam, Rasija nie budzie ŭdzielničać u 62-m konkursie «Jeŭrabačańnie». «My vielmi chacieli, kab usie 43 krainy zmahli ŭziać udzieł u konkursie sioleta i zrabili ŭsio mahčymaje dla dasiahnieńnia hetaha», — havorycca ŭ zajavie JEVS.
U zajavie taksama pryvodziacca słovy staršyni naziralnaha savieta «Jeŭrabačańnia» Franka-Dytara Frejlinha. «My rašuča asudžajem rašeńnie ŭkrainskich uładaŭ uvieści zabaronu na ŭjezd Julii Samojłavaj, bo my ličym, što jano całkam padryvaje cełasnaść i niepalityčny charaktar piesiennaha konkursu «Jeŭrabačańnie» i jaho misiju abjadnoŭvać usie narody z dapamohaj siabroŭskaha spabornictva», — skazaŭ jon.
Sama Samojłava zajaviła, što jana vielmi zasmučanaja tym, što Jeŭrapiejskamu viaščalnamu sajuzu nie ŭdałosia ŭrehulavać pytańnie ź jaje udziełam u «Jeŭrabačańni». «Ale ja vieru, što ŭ budučyni ja abaviazkova pajedu na hety konkurs ad Rasii, u inšuju krainu», — skazała jana.
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary