Pa‑navukovamu padyści da pytańnia «Što šturchaje ludziej na pakupku latarejnych biletaŭ?» vyrašyli daśledčyki ŭniversytetu Karnehi‑Mełana j paśla seryi eksperymentaŭ atrymali zakanamierny adkaz.
Pa‑navukovamu padyści da pytańnia «Što šturchaje ludziej na pakupku latarejnych biletaŭ?» vyrašyli daśledčyki ŭniversytetu Karnehi‑Mełana j paśla seryi eksperymentaŭ atrymali zakanamierny adkaz.
Dziaržaŭnyja latarei viatrajuć u vyhladzie vyjhryšu ŭ siarednim tolki 53 centy z kožnaha dalara, vydatkavanaha ludźmi na bilety, adznačajuć navukoŭcy. Adnak čamuści ludzi achvotna iduć na ryzyku ŭ nadziei na vyjhryš, choć viedajuć, što ichnija šancy na pośpiech — mizernyja.
Kab vyjavić zakanamiernaści ŭ takich pavodzinach, aŭtary daśledavańnia «rekrutavali» dobraachvotnikaŭ na aŭtobusnaj stancyi Pitsburhu dy paprasili ich zapoŭnić ankiety. Pryčym ludziej padzialili na dźvie hrupy (sami paddoślednyja pra heta nia viedali).
Pieršaj hrupie davali ankiety z pytańniem «Vaš hadavy dachod?» i varyjantami «ad $100 da 200 tysiač» ,»ad $200 da 300 tysiač» i hetak dalej. U druhoj hrupy na toje ž pytańnie varyjanty adkazaŭ byli takimi: «mienš za $10 tysiač», «ad $10 da 20 tysiač», «ad $20 da 30 tysiač», «ad $30 da 40 tysiač» i hetak dalej.
Atrymałasia, što jak by ni raźmiarkoŭvalisia dachody ludziej u kožnaj z vypadkova składzienych hrup, u pieršaj — bolšaść respandentaŭ akazvałasia ŭ levaj častcy prapanavanaj škały dachodaŭ, a ŭ druhoj hrupie — u siaredzinie ci ŭ pravaj častcy. Adpaviedna paddoślednych ź pieršaj hrupy navukoŭcy prymusili psychalahična adčuvać siabie bolš biednymi, a ŭ druhoj — bolš bahatymi.
Dalej kožnamu davali pa $5 (nibyta za dapamohu ŭ apytańni) j tut ža prapanoŭvali kupić latarejnyja bilety ź ściralnym słojem.
U hrupie «biednych» siaredniaja kolkaść kuplenych biletaŭ na adnaho čałavieka skłała 1,27, a ŭ «bahaciejšaj» hrupie — 0,67.
Dalej vopyt uskładnili. Pastavili jašče adzin eksperyment, padobny da papiardniaha. Ale ŭ im daśledčyki ŭskosna nahadvali paddoślednym, što choć słai nasielnictva z roznymi ŭzroŭniami dachodaŭ vałodajuć i roznymi mahčymaściami ŭ planie adukacyi, pracy j žylla, u latarei ŭsie šancy adnolkavyja j šaniec na vyjhryš raście z pavieličeńniem kolkaści kuplenych biletaŭ.
Paśla takoj «padkazki» hrupa paddoślednych kuplała ŭ siarednim pa 1,31 bileta, a kantolnaja hrupa, udzielnikam jakoj taki napamin nie rabili, tolki 0,54.
Daśledčyki robiać vysnovy: biednaść — klučavy čyńnik, jaki šturchaje ludziej da pakupki latarejnych biletaŭ. Ludzi spadziajucca vyrašyć ź ichniaj dapamohaj svaje prablemy, choć na spravie zaŭsiodnaja hulnia tolki paharšaje ich niezajzdrosnaje stanovišča.
Navukoŭcy prapanavali ŭładam źviarnuć uvahu na hetaje zahannaje koła.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary