Ahienctva Reuters paviedamiła ab hibieli jašče dvuch rasijan u chodzie bajoŭ za Palmiru ŭ Siryi. Havorka idzie pra 41-hadovaha Alaksieja Safonava (zahinuŭ u siaredzinie sakavika) i 46-hadovaha Uładzimira Plucinskaha (zahinuŭ u pačatku lutaha), piša DW.
Safonaŭ byŭ pachavany na chutary Paštovym u Rastoŭskaj vobłaści. Adzin ź jaho svajakoŭ, niekalki susiedziaŭ i miascovy čynoŭnik paćvierdzili ahienctvu danyja ab jaho hibieli ŭ Siryi. Abstavinaŭ taho, što zdaryłasia, jany nie viedajuć. Pa słovach svajaka, da adpraŭki ŭ Siryju Safonaŭ vajavaŭ na baku sieparatystaŭ va Ukrainie. Pavodle infarmacyi Reuters, na momant śmierci jon nie znachodziŭsia ŭ šerahach rasijskaj armii.
Plucinski byŭ vychadcam sa stanicy Kazanskaja Krasnadarskaha kraju. Pavodle vypisu z paśviedčańnia ab śmierci, jon byŭ zabity ŭ siryjskim Taisie, raźmieščanym niedaloka ad Palmiry. Jaho svajačka paćvierdziła hetuju infarmacyju i ŭdakładniła, što na momant śmierci Plucinski ŭ vojsku nie słužyŭ.
U rasśledavańni Reuters fihuruje taksama 27-hadovy Michaił Niafiodaŭ, zabity ŭ Siryi ŭ lutym. Pra jaho hibiel raniej pisała hrupa niezaležnych daśledčykaŭ Conflict Intelligence Team. Pavodle ich danych, Niafiodaŭ byŭ rodam z horada Mijas Čelabinskaj vobłaści. Pa słovach svajakoŭ, jon vajavaŭ u Siryi nie jak vajskoviec rasijskaj armii, a jak supracoŭnik pryvatnaj vajennaj kampanii. Da hetaha jon udzielničaŭ u vajennych dziejańniach na ŭschodzie Ukrainy na baku sieparatystaŭ.
Raniej ŚMI nieadnarazova pisali, što ŭ składzie rasijskich padraździaleńniaŭ u Siryi vajujuć nie tolki vajskoŭcy, ale i ludzi, jakija pracujuć na pryvatnyja vajennyja kampanii. Farmalna jany ličacca hramadzianskimi asobami, choć i ŭdzielničajuć u naziemnych apieracyjach pad vajennym kamandavańniem, jak adznačaje Reuters. Minabarony aficyjna nie paćviardžaje hetuju infarmacyju i nie vydaje straty siarod ich. U vyniku, pa padlikach Reuters, u ahulnaj kolkaści ŭ bajach za Palmiru z kanca studzienia da kanca sakavika zahinuŭ 21 rasijanin, a pavodle danych Minabarony — tolki piaciora.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Kamientary