Čas źbirać kamiani: zborščyk kamianioŭ — samaja raspaŭsiudžanaja vakansija ŭ Haradockim rajonie
Pavodle dziaržaŭnaj słužby zaniataści Respubliki Biełaruś, u Haradockim rajonie jość 306 volnych pracoŭnych miescaŭ. Z hetych pracoŭnych miescaŭ samaja vialikaja patreba na časovaj pracy dla padborščykaŭ kamianioŭ, jakich zaraz patrabujecca 75 dla troch arhanizacyj.
Kiepskaja situacyja z rynkam pracy vymušaje dziaržaŭnyja słužby adnosić da isnujučych vakansij takija vidy pracy, jakija raniej ličylisia vartymi biespracoŭnych i «šefskaj» dapamohi pradpryjemstvaŭ viaskoŭcam. Hetaj viasnoj takoj «prafiesijaj» stała praca pa padborcy kamianioŭ z paletkaŭ Haradockaha rajona. Na siońnia Haradockaj ptuškafabrycy, śvinakompleksie «Paŭnočny» i KUSHP imia Dzimitrava patrabujecca 75 padborščykaŭ kamianioŭ, pry hetym dla KUSHP imia Dzimitrava patrabujecca 55 padborščykaŭ. Patrabavańni da adukacyi minimalnyja — dastatkova bazavaja adukacyja, a za miesiac pracy prapanujecca zarobak ad 265 rubloŭ. Vidavočna, što heta praca patrebna tolki da pieršaj kasavicy, jakaja pačynajecca ŭ červieni.
Zychodziačy z abaviazkaŭ biudžetnych arhanizacyj pakazvać svabodnymi vakansijami pracu pa sumiaščalnictvie, to ŭ Haradockim rajonie takich volnych miescaŭ najbolšaja kolkaść u adździele adukacyi, sportu i turyzmu — bolš za 30 i mienš prapanuje adździeł pa ideałohii, kultury i pracy z moładździu — kala 20. U hetych arhanizacyjach majucca vakansii pieravažna na 0,25—0, 5 staŭki z bazavym zarobkam ad 66,25 rubloŭ da 132,5 rubla za miesiac pracy.
Samy ž vialiki zarobak pa isnujučych vakansijach prapanuje filijał «Viraŭlanski» kancerna «Dzieckasielski» dla apieratara štučnaha asiemianieńnia žyvioł dla asobaŭ ź siarednie śpiecyjalnaj adukacyjaj, jakija majuć 8 razrad — ad 950 rubloŭ. Dy i na inšyja vakansii hety pracadaŭca prapanuje zarobki vyšejšyja, čym u inšych sielhaspradpryjemstvach Haradoččyny: apieratar mašynnaha dajeńnia — ad 400, žyviołavod — ad 450 rub., traktaryst- mašynist — ad 500. Pry hetym hetyja zarobki, u adroźnieńnie ad bolšaści sielhasarhanizacyj rajona, vypłačvajucca svaječasova.
Varta adznačyć, što absalutnaja bolšaść vakansij pradstaŭlena za apošni miesiac, niaznačnaja kolkaść majecca sa studzienia-lutaha i tolki dźvie vakansii ad Haradockaj inśpiekcyi pa padatkach i zborach byli padazieny naprykancy śniežnia minułaha hoda.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary