Pavietranuju prastoru Biełarusi na minułym tydni parušyŭ piłatujemy hramadzianinam Danii lohki samalot P46T, jaki uźlacieŭ ź Vilniuskaha aeraporta.
Pra heta, jak piša DELFI, paviedamili ŭ 24 krasavika ahienctvu BNS kiraŭniki pradpryjemstvaŭ Oro navigacija i Administracyi hramadzianskaj avijacyi.
Časova vykonvajučy abaviazki hiendyrektara Oro navigacija Mindaŭhas Huścis skazaŭ, što samalot P46T parušyŭ ukazany ŭ palotnym płanie maršrut — dalacieć da miažy ź Biełaruśsiu i viarnucca. «Samalot P46T, pazyŭny N600EU, zhodna z palotnym płanam lacieŭ z trenirovačnaj metaj pa maršrucie Vilnius — Łavaras — Kotavas — Vilnius. Pra palot byŭ prainfarmavany kiraŭnik Minskaha siektara palotaŭ «Paŭnočny». Piłot nie vykanaŭ paznačany ŭ palotnym płanie maršrut i, pralatajučy nad punktam Łavaras, zalacieŭ na terytoryju Biełarusi», — adznačyŭ Huścis.
«Jamu nieadkładna było zahadana raźviarnucca i lacieć na terytoryju Litoŭskaj Respubliki, što i było zroblena», — dadaŭ jon.
U Biełarusi parušeńnie było zafiksavana 19 krasavika a 13:40. Samalot zalacieŭ uhłyb terytoryi na 8 km, ale praz try chviliny raźviarnuŭsia i pakinuŭ pavietranuju prastoru Biełarusi.
Kamandujučy VPS Biełarusi: litoŭski samalot parušyŭ pavietranuju miažu pablizu Astravieckaj AES
Razam z datčaninam, pavodle śćviardžeńnia namieśnika dyrektara Administracyi hramadzianskaj avijacyi Litvy Alvidasa Šumskasa, lacieŭ i hramadzianin Litvy, jaki płanavaŭ nabyć samalot.
«Piłot byŭ adzin — hramadzianin Danii. Heta byŭ demanstracyjny palot dla patencyjnaha pakupnika ź Litvy. Jany lacieli ź Litvy. Jak jany patłumačyli, (datčanin) trochi zahavaryŭsia, adznačajučy pieravahi samalota, i niespadziavana pralacieŭ», — skazaŭ Šumskas.
Biełaruskija dypłamaty ŭ subotu ŭručyli notu pratestu pasłu Litvy ŭ Minsku Andrusu Pułokasu, a kiraŭnik MZS Linas Linkiavičus skazaŭ žurnalistam, što Litva daść adkaz na hetuju notu.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary