Z 1 lipienia hazieta «Priessboł» źmianiaje farmat vychadu ŭ druk. Zamiest čatyroch razoŭ na tydzień vydańnie budzie vychodzić tolki dva razy — u aŭtorak i piatnicu. U sieradu i čaćvier jana vychodzić nie budzie.
Tydniovy nakład «Priessboła» ŭ apošnija hady składaje kala 25 tysiač asobnikaŭ. Aŭtorkavy i piatničny numary vydajucca tyražom 7-8 tysiač, u sieradu i čaćvier - kala piaci tysiač.
Hałoŭny redaktar «Priessboła» Siarhiej Kajko raspavioŭ, čamu hazieta bolš nie budzie vychodzić čatyry razy na tydzień.
«U «PB» niama «Biełaruśkalija», BiełAZa, NPZ abo Minsporta. Niama dziaržpadtrymki, hrantaŭ i lubych inšych pramych datacyj, jakija dajuć aporu ŭ stahodździe, kali chleb našmat važniejšy, čym vidoviščy. My žyli i žyviem za košt hałoŭnaj i samaj kaštoŭnaj svajoj krynicy — padtrymki čytackaj aŭdytoryi, z dapamohaj jakoj zvodzili debiet z kredytam, a ciapier kancy z kancami. Tak było i budzie da taho času, pakul papiarovaja presa zapatrabavanaja, pakul jaje kuplajuć i čytajuć — dziakujučy jakaści, stylu i vastryni, nasupierak padstupajučamu z usich bakoŭ internetu, dzie ŭsio biaspłatna, prosta i na adzin klik.
Ź lipienia i dalej papiarovy «PB» budzie vychodzić dvojčy na tydzień: u aŭtorak i piatnicu — dva 16-staronkavyja numary, u jakich, abiacajem, my pa-raniejšamu nie vypuścim ničoha važnaha, cikavaha, nadzionnaha i vartaha ŭvahi», — napisaŭ Kajko.
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach3
Kamientary