Rasija praktyčna całkam pierastała adpraŭlać hruzy ŭ łatvijskija party pa čyhuncy. Pra heta śviedčać dadzienyja čyhunačnaj statystyki: u sakaviku 2017 hoda ŭ party Vientśpiłsa i Ryhi adpravili 1,2 miljona ton hruzaŭ, a za pałovu traŭnia - tolki 45,7 tysiačy ton.
Rezkaje skaračeńnie hruzapatoku paćvierdziŭ dyrektar pa markietynhu Ryžskaha svabodnaha porta Edhars Suna.
Pa dadzienych dzieviaci roznych krynic Reuters u čyhunačnaj halinie, Rasijskaja čyhunka admaŭlajecca ŭzhadniać bolšaść zajavak apierataraŭ na pieravozku hruzaŭ u napramku łatvijskich partoŭ.
Adzin z surazmoŭcaŭ Reuters taksama vykazaŭ zdahadku, što takoje rašeńnie moža być źviazana z admovaj Łatvii ad udziełu ŭ «Paŭnočnym patoku — 2». Suna, u svaju čarhu, zaŭvažyŭ, što Rasija mahła rašyccca pieravieści hruzapatoki ŭ svaje party. Trejdary vykazali zdahadku, što zamienaj da łatvijskich partoŭ mohuć stać Murmansk i Archanhielsk.
«RČ abmiežavańniaŭ pa nakiravańni ŭ Łatviju nie ŭvodziłasia, treba razhladać kožny kankretny vypadak admovy ŭzhadnić», - zajavili ŭ RČ.
-
Eks-ministra enierhietyki Ukrainy zatrymali pry sprobie źjechać z krainy
-
«Pa-tavarysku zaklikajem biełaruskich siabroŭ». U MZS Rasii papiaredzili Łukašenku pilnavać rasijskija intaresy ŭ adnosinach z ZŠA
-
U Hiermanii adbyłosia hrandyjoznaje rabavańnie banka na miljony jeŭra, jakoha nichto nie zaŭvažyŭ
Kamientary