Top-8 sposabaŭ pieražyć adklučeńnie haračaj vady

Napeŭna, za hady vyprabavańniaŭ vy i sami navučylisia vykručvacca ź situacyi, ale ŭsio ž prapanujem niekalki sposabaŭ, jakija dapamohuć minimazavać dyskamfort na praciahu hetych dzion.

Sposab № 1: dziedaŭski

Hreć vadu ŭ rondalach i potym razvodzić jaje ŭ tazikach, kab pamycca abo pahalicca — samaja masavaja zabava na hety pieryjad. Nie zusim zručna, ale vielmi dyscyplinuje: pa-pieršaje, vadu aščadžaješ jak nikoli, pa-druhoje, pračynaješsia raniej, kab paśpieć skončyć z hihijenaj da vychadu z domu. Hałoŭnaje ŭ hetaj spravie mieć u rasparadžeńni jak maha bolš abjomnuju taru.

Sposab № 2: siabroŭski

Narodnaja mudraść śćviardžaje, što dobry siabar paznajecca z adklučeńniem haračaj vady. Uvažliva vyvučycie hrafik roznych rajonaŭ, i kali vy minčuk z Akademii navuk ci Płoščy Niezaležnaści, samy čas naviedać siabroŭ z Kamiennaj horki (nie budźcie nachabnym i zachapicie z saboj ułasny ručnik i hiel dla duša). Uličvajcie taksama, što chutka jany pryjduć da vas u zvarotki.

Pavialičyć

Sposab № 3: hramadski

Kali vy apošni raz byli ŭ łaźni? Nahadajcie sabie zabytyja adčuvańni lohkaj pary i ŭdaraŭ biarozavym vienikam. Vy ž razumiejecie, što hałoŭny fanat łaźni Łukašyn ź filma «Ironija losu» lubiŭ jaje nie tolki za mahčymaść pamycca, ale i za atmaśfieru. U Minsku dźvie hadziny zadavalnieńnia ŭ hramadskich miescach kaštujuć u siarednim 8 rubloŭ, hadzina ŭ saŭnach — ad 20 rubloŭ. U abłasnych i rajonnych centrach pasłuha bolš dastupnaja.

Darečy, kali vam pašancavała mieć duš na pracy, nie saromiejciesia i karystajciesia ŭ luby momant na zdaroŭje. Kalehi ŭsio zrazumiejuć.

Sposab № 4: bojlery ŭ arendu

Profilnyja kampanii i pradprymalniki prapanujuć roznyja vidy vodanahravalnikaŭ u arendu. Pry karystańni pasłuhami ciaham 12 dzion i bolš jość varyjanty ad 6 rubloŭ za sutki arendy. Kali havorka idzie pra vialikija bojlery, to tut košty nastupnyja: 16-20 rubloŭ za sutki, zaležyć ad pamieraŭ.

Pavialičyć

Uvohule ž, kali ŭ vas jość hrošy, z raźlikam na budučyniu lepš adrazu nabyć sabie vodanahravalnik i bolš nikoli z hetaj nahody nie parycca. I kali bojler zajmaje šmat miesca, to pratočnyja elektryčnyja krany-vodanahravalniki vyhladajuć jak zvyčajnyja źmiešvalniki, jakija, dziakujučy ŭbudavanamu ŭ korpus nahravalnamu elemientu, zdolnyja pieratvarać chałodnuju vadu ŭ tuju, jakaja nam zaraz i treba.

Cposab № 5: spartyŭny

Pavialičyć

Leta tut jak tut, a pachudzieć tak i nie atrymałasia? Nabyvaj abaniemient u spartyŭnuju zału ci basiejn. Naładzić adnosiny sa sportam źnianacku, moža, i nie vyjdzie, a voś pamycca — dakładna. Ź minusaŭ — davoli vysokija košty. Mienavita pa apošniaj pryčynie mnohija biełarusy ličać za lepšaje nijak nie reahavać na adsutnaść haračaj vady i mycca chałodnaj, paralelna takim čynam hartujučysia. Ale nielha raptam uziać i ŭpieršyniu ŭ žyćci stać pad ledziany duš: da hetaha iduć i rychtujucca pastupova.

Sposab № 6: kaśmietyčny

Kali ŭsio z vyšej pieraličanaha nie padychodzić, a hałava ŭžo śviarbić — na chutkuju dapamohu moža pryjści kaśmietyka: suchi šampuń aśviažyć vałasy i nadaść im dahledžany vyhlad. Vyciahnuć brud z por pad siłu śpiecyjalnaj termalnaj vadzie. Akramia taho, dobrymi srodkami ŭ padtrymańni hihijeny buduć vilhotnyja survetki.

Pavialičyć

Sposab № 7: chitry

Pralnaja mašyna pryzvyčaiłasia zajmacca adzieńniem i bializnaj, ale čamu b joj nie dapamahčy i vam? Abirajecie samy chutki režym z kipiačeńniem, ale nie zakidvajecie bializnu i parašok. Čakajecie, pakul mašynka nabiare vadu, nahreje jaje, zymituje myćcio i pačnie źlivać. Šłanh nakiroŭvajecie ŭ vannu ci inšuju jomistaść — i vuala, možna mycca.

Sposab № 8: radykalny

Kinuć usio i źjechać u adpačynak za miažu ci na lecišča — čamu b i nie? U ciopłych krainach prymać vannu možna naŭprost u mory, a kali viernieciesia — užo i doma haračuju vadu ŭklučać, i prablemy jak nie było zusim.

Čytajcie taksama: Apublikavany hrafik adklučeńnia haračaj vady ŭ Minsku ŭ červieni

• 0
• 0
• 0
• 0
• 0
• 0
• 0
• 0