Centar uschodnieeŭrapiejskich daśledavańniaŭ Varšaŭskaha ŭniversytetu abviaściŭ nabor studentaŭ ź Biełarusi, adličanych z VNU z palityčnych pryčyn, na bakalaŭraŭskija i mahistarskija prahramy pavodle stypendyjalnaj prahramy imia Kastusia Kalinoŭskaha na 2017—18 navučalny hod. Kolki miescaŭ praduhledžvaje prahrama, nie paviedamlajecca.
Patrabavańni da studentaŭ źmieščanyja na sajcie ŭniversytetu (PDF). Asobaŭ, jakija chočuć uziać udzieł u navučalnaj prahramie, prosiać źviartacca na poštu [email protected].
Studentam abiacajuć štomiesiačnyja stypendyi ŭ pamiery 1240 złotych (kala 620 biełaruskich rubloŭ na momant publikacyi). Viedać polskuju movu na momant pastupleńnia nie abaviazkova (tym, chto budzie zajmacca na kursach polskaj movy, abiacajuć stypendyju 900 złotych na miesiac).
Prahrama Kalinoŭskaha była stvoranaja paśla taho, jak u 2006 hodzie šerah biełaruskich studentaŭ paadličali z VNU z palityčnych matyvaŭ. Kolkaść studentaŭ, jakija navučalisia ŭ miežach prahramy, pastupova spadała. U 2006 hodzie prahrama pryniała 244 čałaviek, ale try čverci ź ich nie davučylisia, byli vyklučanyja z polskich universytetaŭ. Paźniej byŭ uviedzieny bolš žorstki adbor: naleta nabrali 80, potym 60, 50 studentaŭ… U 2015 hodzie na prahramu pastupili tolki 20 studentaŭ. Usiaho za 10 hadoŭ z 900 pryniatych studentaŭ dyplomy atrymali tolki 300.
Urešcie ŭ 2016 hodzie prahramu vyrašyli refarmavać u hadavyja stažyroŭki dla ŭsich achvotnych. Ale paśla palityčnych padziejaŭ u Biełarusi ŭ 2016 hodzie i pačatku 2017 hodu zahučali hałasy za toje, kab adnavić prahramu ŭ raniejšym farmacie.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam51
Kamientary