Juryst vyklikaŭ Słučaka na duel: «Biełaruskaja mova — miortvaja. A ciapier pasprabuj mianie zasudzić»

Słaŭharadski juryst Arciom Ahafonaŭ vyrašyŭ spravakavać homielskaha aktyvista Ihara Słučaka.

Pavialičyć

Ahafonaŭ admysłova pakinuŭ u sacsietkach nastupny dopis pa-rusku: «Biełorusskij jazyk — miortvyj. Hovoriu śpiecialno dla tiebia. Tiepieŕ poprobuj mienia zasudiť. Prinimaješ vyzov? Ili tolko protiv dietiej sposobien hierojstvovať?».

Pry hetym Ahafonaŭ udakładniaje, što śviadoma pravakuje Słučaka, a sam jon tak pra movu nie dumaje.

Ihar Słučak pakul nie adreahavaŭ na situacyju.

Homielski aktyvist Słučak, jaki sam siabie nazyvaje «moŭnym inśpiektaram», viadomy zajavami ŭ sud na tych, chto niehatyŭna vykazvajecca pra biełaruskuju movu. Paśla jaho zajavy za vykazvańnie «Biełaruskaja mova — heta trup, jaki hnije, jaho para ŭžo zakapać jak maha hłybiej» atrymaŭ štraf były homielski milicyjant Vasil Varuščanka.

Pavialičyć

Taksama apošnim časam nabrała rozhałas historyja z 16-hadovym chłopčykam, jaki ŭ sacsietkach nazvaŭ biełaruskuju movu miortvaj. Słučak napisaŭ skarhu ŭ Salihorski rajvykankam.

Paśla hetaha Iharu pryjšoŭ list ad maci padletka, jana prasiła zabrać zajavu. Žančyna pisała, što jaje syn uśviadomiŭ pamyłkovaść svajho mierkavańnia i hatovy publična paprasić prabačeńnia za svaje słovy na staroncy supołki va Ukantakcie, dzie ŭsio i pačałosia. Maci taksama prasiła daravać jaje synu nieabačlivaść, pakolki jon niadaŭna pieranios chimijapramianiovy kurs terapii pry lačeńni złajakasnaha ankałahičnaha zachvorvańnia. Hetaja akaličnaść i spravakavała burnuju dyskusiju ŭ internecie: nakolki pravilna ci niapravilna damahacca pakarańnia za abrazu movy pry takich abstavinach?

Zajavu Ihar zabirać nie staŭ. A paźniej źjaviłasia infarmacyja, što list ad maci napisaŭ sam chłopiec.

Praŭda, administratyŭnuju spravu suprać padletka spynili, karać jaho nie buduć.

Na hetuju historyju z padletkam i adreahavaŭ Arciom Ahafonaŭ.

Voś tolki sam Ahafonaŭ asoba, miakka kažučy, davoli sprečnaja. Były člen labiedźkaŭskaj AHP, paśla padziej u Krymie i ŭschodzie Ukrainy jon padtrymaŭ rasijskuju ahresiju.

Ahafonaŭ byŭ tym, chto napisaŭ skarhu na kiroŭcu bieł-čyrvona-biełaha aŭtobusa, jaki vaziŭ u Słuck achvotnych ušanavać pamiać paŭstancaŭ.

Akramia taho, Ahafonaŭ aktyŭna piša na prapahandysckija resursy «ruskaha śvietu», prasoŭvańniem jakich zajmajecca tak zvany NOD.

Taksama ŭ lutym 2017 hodzie źjaviłasia infarmacyja, što Ahafonaŭ staŭ sustaršynioj arhkamiteta ruchu «Hramadzianskaja zhoda».

«Metavaja aŭdytoryja — kansiervatyŭnaja ruskamoŭnaja bolšaść, jakaja nie choča destabilizacyi abstanoŭki ŭ krainie i abvastreńnia mižnacyjanalnych supiarečnaściaŭ. Staŭleńnie da ŭłady — niezaležnaje, adnak u rezkaj kanfrantacyi nie zacikaŭlenyja», — akreślivaŭ mety arhanizacyi sam Ahafonaŭ.

Słučak: Na Ahafonava reahavać nie budu, jość bolš važnyja spravy

Apytanka

• 0
• 0
• 0
• 0
• 0
• 0
• 0
• 0