Pra vypadak napisała ŭ svaim fejsbuku aficyjny pradstaŭnik Śledčaha kamiteta Julija Hančarova.
«Upraŭleńniem Śledčaha kamiteta pa h. Minsku raspačata kryminalnaja sprava pa č.1 art.144 (Pryčynieńnie śmierci pa nieaściarožnaści) KK Biełarusi ŭ dačynieńni da mužčyny (indyvidualnaha pradprymalnika), jaki zajmajecca arhanizacyjaj roŭpdžampinhu.
U niadzielu, 18 červienia, u pasiołku Sosny u vyniku skačka ź placoŭki truby kacielni, raźmieščanaj na vyšyni 70 mietraŭ, zahinuŭ małady čałaviek 1990 hoda naradžeńnia. Kala 16 hadzin roŭpdžampier upaŭ na ziamlu na vačach u vidavočcaŭ.
Śledčymi praviedzieny ahlad miesca zdareńnia, da jakoha pryciahvalisia śpiecyjalisty MNS i Dziaržaŭnaha kamiteta sudovych ekśpiertyz. Pryznačana sudova-miedycynskaja ekśpiertyza. Ź miesca zdareńnia kanfiskavana abstalavańnie i ryštunak, jakija vykarystoŭvalisia dla arhanizacyi skačka. Dapytvajucca śviedki. Arhanizatar skačka zatrymany, ź im pracujuć śledčyja.
Śledčy kamitet źviartaje ŭvahu amataraŭ ekstremalnych zabaŭ, a taksama asob, jakija zajmajucca ich arhanizacyjaj - nie hrebujcie praviłami techniki biaśpieki, praviarajcie spraŭnaść i jakaść strachovačnych sistem. Samaje važnaje, što jość u čałavieka - heta žyćcio, adznačyła Julija Hančarova.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza9
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary