Krainam — členam Centralna-Jeŭrapiejskaj inicyjatyvy (CIEI) nieabchodna razam navodzić masty pamiž roznymi intehracyjnymi strukturami na kantyniencie. Pra heta Alaksandr Łukašenka zajaviŭ siońnia na sustrečy ź ministrami zamiežnych spraŭ i kiraŭnikami nacyjanalnych delehacyj krain — členaŭ CIEI.
«Najaŭnyja realii takija, što dziaržavam, jakija hieahrafična znachodziacca pamiž Jeŭropaj i Azijaj, nieabchodna brać na siabie bolš adkaznaści ŭ pytańni zabieśpiačeńnia rehijanalnaj stabilnaści. Tym bolš heta časam ničoha nie kaštuje ŭ materyjalnym płanie. Bo ad nas šmat u čym zaležyć, ci stanuć našy krainy padzialalnaj linijaj pamiž suśvietnymi centrami siły abo ich suviaznym źvianom. Ciapier treba budavać nie novyja žaleznyja zasłony, a razam navodzić masty pamiž roznymi intehracyjnymi strukturami na kantyniencie, — upeŭnieny Alaksandr Łukašenka.
Tolki praz raŭnapraŭny dyjałoh i paŭnavartasnaje ekanamičnaje supracoŭnictva možna stvaryć sapraŭdy Vialikuju Jeŭropu, harantavaŭšy naščadkam mir, biaśpieku i roskvit, skazaŭ kiraŭnik dziaržavy. «Centralna-Jeŭrapiejskaja inicyjatyva pavinna być nacelena na vyrašeńnie mienavita hetaj, vielmi składanaj, niaprostaj zadačy», — padkreśliŭ biełaruski lidar.
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča15
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary