«Palito za zarobak?» Ahlad asartymientu i cen u kramie «Elema» ździviŭ biełarusaŭ
«Z usiaho, što pradstaŭlena, mahu dazvolić sabie tolki šalik».
Žycharka Babrujska schadziła ŭ kramu adzieńnia «Elema» i pakazała asiennija palito, kurtki i aksiesuary. Karystalniki sacsietak vielmi ździvilisia cenam, zaŭvažyła BGmedia.
Uvosień u «Elemie» abnavili kalekcyju adzieńnia. Na videa, jakoje aktyŭna abmiarkoŭvajuć u siecivie, biełaruska pakazała vybar palito, kurtak, šapak i šalikaŭ. Pavodle jaje słoŭ, madelej i koleraŭ vielmi šmat.
Ale hledačoŭ uraziŭ nie asartymient, a ceny.
Tak, palito kaštujuć ad 324 da 1 070 rubloŭ. Na častku asieńnich madelej dziejničaje źnižka 30%, za vyklučeńniem novaj kalekcyi. Kurtki taksama pradajucca sa źnižkaj, šaliki kaštujuć ad 8 da 30 rubloŭ.
Čaściej za ŭsio kamientatary abmiarkoŭvali košt palito.
- «Palito bolš za 1000 rubloŭ — z čaho jano? Dyjamienty na huzikach?»
- «Madeli nijakija, kolery pakidajuć žadać lepšaha, zatoje ceny «latać» navučylisia».
- «Miesiac pracavać, kab kupić palito? A žyć za što tady?»
- «Dziakuj za ahlad. Z usiaho, što pradstaŭlena, mahu dazvolić sabie tolki šaliki».
Niekatoryja karystalniki adznačali, što jakaść sapraŭdy adpaviadaje canie: vaŭnianyja palito kaštujuć daražej, ale słužać niekalki siezonaŭ. Inšyja paraŭnoŭvali z sekand-chendam ci rynkam, dzie anałahičnaje palito možna kupić tańniej.
Taksama vyklikała pytańni, chto źjaŭlajecca metavaj aŭdytoryjaj kramy: pry siarednim zarobku pa krainie mnohija nie mohuć dazvolić sabie palito za 1 000 rubloŭ.
Niekatoryja kamientatary adznačali, što navat švački i zakrojščycy «Elemy» naŭrad ci kupiać ułasnuju pradukcyju pa takich cenach.
- «A heta prabačcie dla kaho? Biełarusy nie mohuć nasić biełaruskaje. Absurd!»
- «Tyja, chto mohuć dazvolić sabie pa takich cenach palito, vidavočna, pa takich kramach nie chodziać. A dla astatnich heta — niedapuščalnaja raskoša».
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary
"Sbyliś miečty narodnyje!"